ପ୍ୟାରିସ, ୨ା୬-ବ୍ରିଟେନ୍ର ଜୋହାନା କୋଣ୍ଟା ଫ୍ରେଞ୍ଚ ଓପନ୍ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତା ମହିଳା ସିଙ୍ଗଲ୍ସ କ୍ୱାର୍ଟରଫାଇନାଲରେ ପ୍ରବେଶ କରିଛନ୍ତି। ରବିବାର ଅନୁଷ୍ଠିତ ଏକ ଚତୁର୍ଥ ରାଉଣ୍ଡ ମ୍ୟାଚରେ ସେ ୨୩ତମ ସିଡ୍ ଡୋନା ଭେକିକ୍ଙ୍କୁ ୬-୨, ୬-୪ ସେଟ୍ରେ ପରାସ୍ତ କରିଛନ୍ତି। ଫଳରେ ୨୦୧୭ରେ ଓ୍ବିମ୍ବେଲଡନ ପରେ ପ୍ରଥମ ଥର ଏକ ଗ୍ରାଣ୍ଡସ୍ଲାମ କ୍ୱାର୍ଟରଫାଇନାଲ ଖେଲିବାକୁ ଯାଉଛନ୍ତି। ୨୮ବର୍ଷୀୟ ୨୬ତମ ସିଡ୍ ଖେଳାଳି କୋଣ୍ଟା ତାଙ୍କ ପରବର୍ତ୍ତୀ ମ୍ୟାଚରେ ୨୦୧୬ ଚାମ୍ପିୟନ ଗାର୍ବିନ ମୁଗୁରୁଜା କିମ୍ବା ଗତବର୍ଷ ରନର୍ସଅପ୍ ସ୍ଲୋନ୍ ଷ୍ଟିଫେନ୍ସଙ୍କୁ ଭେଟିବେ। ଏଥିରେ ସେ ଯଦି ବିଜୟ ହାସଲ କରନ୍ତି ତେବେ ୧୯୮୩ ପରେ ବ୍ରିଟେନର ପ୍ରଥମ ମହିଳା ଖେଳାଳି ହିସାବରେ ସେମିଫାଇନାଲରେ ପ୍ରବେଶ କରିବାର ଗୌରବ ଅର୍ଜନ କରିବେ। କୋଣ୍ଟାଙ୍କର ଏଥର କ୍ଲେ-କୋର୍ଟ ସିଜନ ଖୁବ୍ ଭଲ ରହିଛି। ମରକ୍କୋ ଏବଂ ରୋମ୍ ଡବ୍ଲ୍ୟୁଟିଏ ଫାଇନାଲ ଖେଲି ସାରିଛନ୍ତି। ଏଠାରେ ମଧ୍ୟରେ ସେ ତାଙ୍କର ଫର୍ମର ନମୁନା ଦେଖାଇ ଛନ୍ତି।