ବେଲୋ ହରାଇଜଣ୍ଟ,୨୦।୬(ଏଏଫ୍ପି)- ଚଳିତ କୋପା ଆମେରିକା ଫୁଟ୍ବଲ ଟୁର୍ନାମେଣ୍ଟରେ ଆର୍ଜେଣ୍ଟିନା ପଏଣ୍ଟ ଖାତା ଖୋଲିବାକୁ ସକ୍ଷମ ହୋଇଛି। ପ୍ରଥମ ମ୍ୟାଚ୍ରେ କଲମ୍ବିଆଠାରୁ ପରାଜୟ ବରଣ କରିଥିବା ଆର୍ଜେଣ୍ଟିନା ଏଠାରେ ଖେଳାଯାଇଥିବା ପାରାଗୁଏ ବିପକ୍ଷ ମ୍ୟାଚ୍କୁ ୧-୧ ଗୋଲରେ ଅମୀମାଂସିତ ରଖି ଏକ ପଏଣ୍ଟ ହାସଲ କରିଛି। ପାରାଗୁଏ ପାଇଁ ରିଚାର୍ଡ ସାଞ୍ଚେଜ (୩୭ତମ ମିନିଟ୍) ଗୋଲ ଦେଇଥିଲେ। ଫଳରେ ପ୍ରଥମାର୍ଦ୍ଧ ସୁଦ୍ଧା ପାରାଗୁଏ ୧-୦ ଗୋଲର ଅଗ୍ରଣୀ ହାସଲ କରିଥିଲା। ଜବାବରେ ଆର୍ଜେଣ୍ଟିନାକୁ ୫୭ତମ ମିନିଟ୍ରେ ପେନାଲ୍ଟି ମିଳିଥିଲା, ଯାହାକୁ ଷ୍ଟାର ଲିଓନେଲ ମେସି ସ୍କୋର କରିଥିଲେ। ଗୋଲକିପର ଫ୍ରାଙ୍କୋ ଅର୍ମାନି ଏକ ନିଶ୍ଚିତ ଗୋଲ ସେଭ ଯୋଗୁ ଦଳ ପଏଣ୍ଟ ଖାତା ଖୋଲିିବାକୁ ସକ୍ଷମ ହୋଇଛି। ଆର୍ଜେଣ୍ଟିନା ୨ ମ୍ୟାଚ୍ରୁ ଏକ ପଏଣ୍ଟ ସହ ଗ୍ରୁପ୍ ବି’ର ଅନ୍ତିମ ସ୍ଥାନରେ ରହିଛି। ଦଳକୁ କ୍ୱାର୍ଟର ଫାଇନାଲକୁ ଉନ୍ନୀତ ହେବାକୁ ହେଲେ ଅନ୍ତିମ ମ୍ୟାଚ୍ରେ କାତାରକୁ ନିଶ୍ଚିତ ହରାଇବାକୁ ପଡ଼ିବ।