ପ୍ୟାରିସ୍,୨୮।୪(ଏପି): କୋଭିଡ୍-୧୯ ମହାମାରୀ ଦ୍ୱାରା ସାରା ବିଶ୍ୱ ଫୁଟବଲ ପ୍ରଭାବିତ ହୋଇଥିବାରୁ ୟୁନିୟନ ଅଫ୍ ୟୁରୋପିଆନ ଫୁଟବଲ ଆସୋସିଏଶନ (ୟୁଫା) ତା’ର ଜାତୀୟ ଫେଡେରେଶଗୁଡିକୁ ସାହାଯ୍ୟର ହାତ ବଢାଇଛି। ୟୁଇଏଫଏ ସବୁ ଫେଡେରେଶନଗୁଡିକୁ ୨୩୬.୮ ମିଲିୟନ ୟୁରୋ ବା ୨୫୫ ମିଲିୟନ ଆମେରିକୀୟ ଡଲାର ପ୍ରଦାନ କରିବାକୁ ନିଷ୍ପତ୍ତି ନେଇଛି। ୫୫ଟି ମେମ୍ବରଙ୍କୁ ୪.୭ ମିଲିୟନ ଡଲାର ପ୍ରଦାନ କରାଯିବ। ସେଣ୍ଟ୍ରାଲ ଫଣ୍ଡିଂ ମାଧ୍ୟମରେ ଆଗାମୀ ସେସନ ପାଇଁ ଏହି ପରିମାଣର ଅର୍ଥ ପ୍ରଦାନ କରାଯିବ।
ଆମ ମେମ୍ବର ଆସୋସିଏଶନଗୁଡିକ ଏହି ଅର୍ଥକୁ ଫୁଟବଲ ବ୍ୟବସ୍ଥାର ପୁନଃ ନିର୍ମାଣରେ ବ୍ୟବହାର କରିପାରିବେ ବୋଲି ୟୁଇଏଫ୍ଏ ଅଧ୍ୟକ୍ଷ ଆଲେକ୍ଜାଣ୍ଡାର ସେଫେରିନ୍ କହିଛନ୍ତି। ଯେତେ ସମ୍ଭବ ଆମେ ସାହାଯ୍ୟ କରିବାକୁ ପ୍ରୟାସ କରୁଛୁ ବୋଲି ସେ କହିଛନ୍ତି। ଯୁବ ଓ ମହିଳା ଫୁଟବଲ, ରେଫରି ଟ୍ରେନିଂ ଓ ପରିଚାଳନାଗତ ଖର୍ଚ୍ଚ ପାଇଁ ସାଧାରଣତଃ ଏହି ଅର୍ଥ ବ୍ୟବହୃତ ହୋଇଥାଏ। ଏହି ଅର୍ଥ ୟୁଇଏଫ୍ଏ ଅଡିଟ୍ରେ ସାମିଲ ହୋଇ ନ ଥାଏ। ୟୁଇଏଫ୍ଏର ଏହି ଫଣ୍ଡିଂ ପ୍ରୋଗ୍ରାମ ଫିଫାଠାରୁ ମିଳୁଥିବା ଅନୁଦାନର ଦୁଇଗଣା ହୋଇଥାଏ। ଫିଫା ଦ୍ୱାରା ପ୍ରଦାନ କରାଯାଉଥିବା ମୈଲିକ ଫଣ୍ଡିଂ (୬ ମିଲିୟନ ଡଲାର, ୨୦୧୯-୨୨) ତୁଳନାରେ ଏହି ପ୍ରୋଗ୍ରାମ ୧୨ ମିଲିୟନ ଆମେରିକୀୟ ଡଲାରରୁ ଊର୍ଦ୍ଧ୍ୱ ହୋଇଥାଏ।
