ସମ୍ବଲପୁର, ୧୫।୪ (ବ୍ୟୁରୋ)- ସମ୍ବଲପୁର ଜିଲା ମୁଖ୍ୟ ଚିକିତ୍ସାଳୟରେ କୋଭିଡ- ୧୯ ମେଡିକାଲ ନିର୍ମାଣ କରାଯାଉଛି। ଏହାକୁ ବିରୋଧ କରି ମିଶନ ଭିମ୍ସାର ତରଫରୁ ଓଡିଶା ହାଇକୋର୍ଟରେ ଏକ ଜନସ୍ବାର୍ଥ ମାମଲା ରୁଜୁ କରାଯାଇଥିଲା। ଏହାକୁ ବିଚାର କରି ବୁଧବାର ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ସଞ୍ଜୁ ପଣ୍ଡା, ଜଷ୍ଟିସ ବିଶ୍ୱନାଥ ରଥ ମାମଲାର ଶୁଣାଣି କରିଛନ୍ତି। ମାମଲାର ଶୁଣାଣି କରି ଖାରଜ କରି ଦିଆଯାଇଛି । ଏହା ବୃହତ୍ତ ସ୍ବାର୍ଥକୁ ଦୃଷ୍ଟିରେ ରଖି କରାଯାଉଛି । ଏଭଳି ସ୍ଥିତିରେ ଏହି ମାମଲା ଗ୍ରହଣ ଯୋଗ୍ୟ ନୁହେଁ ବୋଲି ଦର୍ଶାଇ ଖାରଜ କରାଯାଇଛି । ମିଶନ ଭିମ୍ସାର ତରଫରୁ ଗୋଲକ ବିହାରୀ ମିଶ୍ର ଏହି ମାମଲାର ପକ୍ଷ ରଖିଥିଲେ। ଜିଲା ମୁଖ୍ୟ ଚିକିତ୍ସାଳୟ ସହର ମଝିରେ ଥିବାରୁ ଲୋକଙ୍କୁ ସମସ୍ୟା ହେବ। ତେଣୁ ଭିମସାରରେ କୋଭିଡ୍ ମେଡିକାଲ ନିର୍ମାଣ କରାଯାଉ ବୋଲି ଯୁକ୍ତି ଦର୍ଶାଇ ଯାଇଥିଲା।