ନୂଆଦିଲ୍ଲୀ,୧୧।୪: କରୋନା ଭାଇରସ ସଂକ୍ରମଣ ଏବେ ସାରା ବିଶ୍ୱକୁ ଚିନ୍ତାରେ ପକାଇ ଦେଇଛି। ଏହାକୁ ନେଇ ଶନିବାର କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ଯୁଗ୍ମ ସଚିବ ଲଭ ଅଗ୍ରଓ୍ବାଲ ଏକ ସାମ୍ବାଦିକ ସମ୍ମିଳନୀରେ କୋଭିଡ-୧୯କୁ ହରାଇବାକୁ ଲକ୍ଡାଉନ ଓ ଦୂରତ୍ୱ ରକ୍ଷା କରିବା ଜରୁରୀ ଥିଲା ବୋଲି କହିଛନ୍ତି। ଯଦି ଆମେ ଉଚିତ୍ ସମୟରେ ଉଚିତ୍ ପଦକ୍ଷେପ ନେଇ ନ ଥାଆନ୍ତୁ ତେବେ ଆଜି ଭାରତରେ କରୋନା ସଂକ୍ରମିତଙ୍କ ସଂଖ୍ୟା ୨ ଲକ୍ଷରେ ପହଞ୍ଚି ଥାଆନ୍ତା ବୋଲି ସେ କହିଛନ୍ତି। ଏବେ କୋଭିଡ-୧୯ର ମୁକାବିଲା କରିବାକୁ ଦେଶରେ ପାଖାପାଖି ୫୮୬ ସ୍ବତନ୍ତ୍ର ହସ୍ପିଟାଲ ଥିବା ବେଳେ ପ୍ରାୟ ୧ ଲକ୍ଷ ଆଇସୋଲେଶନ ବେଡ ରହିଥିବା ସେ ପ୍ରକାଶ କରିଛନ୍ତି।