ମୁମ୍ବାଇ, ୧୯।୫(ପି.ଟି.): କୋଭିଡ-୧୯ ଲକ୍ଡାଉନ କାରଣରୁ ପ୍ରଭାବିତ ହୋଇଥିବା ତଳସ୍ତରର ପେସାଦାର ଖେଳାଳିଙ୍କୁ ସାହାଯ୍ୟ ଓ ସମର୍ଥନ କରିବାକୁ ଅନ୍ତର୍ଜାତୀୟ ଟେନିସ ଫେଡେରେଶନ (ଆଇଟିଏଫ୍) ଅଣ୍ଟା ଭିଡିଛି। ଏଥିପାଇଁ ଆଇଟିଏଫ୍ ଏକ ନୂଆ ରିଲିଫ୍ ଫଣ୍ଡ ଗଠନ କରିବାକୁ ଯୋଜନା କରିଛି। କରୋନା ଭାଇରସ୍ ସଂକ୍ରମଣ ପାଇଁ ମାର୍ଚ୍ଚ ପ୍ରାରମ୍ଭରୁ ପେସାଦାର ଟେନିସ ସେସନ ଠପ୍ ହୋଇଛି ଓ ଅତିକମ୍ରେ ଜୁଲାଇ ଶେଷ ପର୍ଯ୍ୟନ୍ତ ଖେଳ ବନ୍ଦ ରହିବ। କାରଣ ଏବେ ମଧ୍ୟ ବିଶ୍ୱର ପ୍ରାୟ ସବୁ ଦେଶରେ ଯାତ୍ରା କଟକଣା ଜାରି ରହିଛି।
ପୂର୍ବରୁ ଚଳିତମାସ ପ୍ରାରମ୍ଭରେ ଆଇଟିଏଫ୍, ଏଟିପି, ଡବ୍ଲ୍ୟୁଟିଏ ଓ ୪ଟି ଗ୍ରାଣ୍ଡସ୍ଲାମ ଟୁର୍ନାମେଣ୍ଟର ପ୍ରଶାସନିକ ସଂସ୍ଥା ମିଳିତ ଭବେ ତଳସ୍ତରର ପେସାଦାର ଖେଳାଳିଙ୍କ ପାଇଁ ୬ ମିଲିୟନ ବା ୬୦ ଲକ୍ଷ ଅମେରିକୀୟ ଡଲାରର ପାଣ୍ଠି ସଂଗ୍ରହ କରିଥିଲେ। ଟୁର୍ନାମେଣ୍ଟଗୁଡିକ ଉପରେ ନର୍ଭର କରୁଥିବା ୮୦୦ ତଳସ୍ତରର ପେସାଦାର କ୍ରିକେଟରଙ୍କୁ ସାହାଯ୍ୟ କରିବା ପାଇଁ ଏହି ପାଣ୍ଠି ସଂଗ୍ରହ କରାଯାଇଥିଲା। ଉଲ୍ଲେଖଥାଉ କି, ଆଇଟିଏଫ୍ ଓ୍ବାଲ୍ଡ ଟୁର ଟେନିସ୍ରେ ଲୋୟର ରଙ୍ଗ୍ ଟେନିସ ଟୁର୍ନାମେଣ୍ଟ ମଧ୍ୟ ସାମିଲ ରହିଛି। ଜୁନିୟର ଓ ସିନିୟରସ୍ତରର ଗେମ୍ ମଧ୍ୟରେ ଏହି ଟୁର୍ନାମେଣ୍ଟଗୁଡିକ ଟ୍ରାଞ୍ଜିସନ ସର୍କିଟ ଭାବେ କାର୍ଯ୍ୟକରେ। ଏଥିରେ ଖେଳାଳିମାନେ ଅର୍ଥ ରୋଜଗାର କରିବା ସହ ର଼୍ୟାଙ୍କିଙ୍ଗ୍ରେ ଉନ୍ନତି ଆଣି ପୁରୁଷ ଏଟିପି ଟୁର ଓ ମହିଳା ଏଟିପି ଟୁର ଖେଳିବାକୁ ଯୋଗ୍ୟତା ହାସଲ କରିଥାନ୍ତି।
