ରିଓ ଡି ଜନେରୋ(୪।୪):
କରୋନା ଭାଇରସ ମୁକାବିଲା ପାଇଁ ବ୍ରାଜିଲ ଫୁଟବଲ ସୁପର ଷ୍ଟାର୍ ନେମାର ୧୦ ଲକ୍ଷ ଆମେରିକୀୟ ଡଲାର ସହାୟତା ପ୍ରଦାନ କରିଛନ୍ତି। ବିଶ୍ଵ ର ତୃତୀୟ ଦାମୀ ଫୁଟବଲର ବିବେଚିତ ହେଉ ଥିବା ପ୍ୟାରିସ ସେଣ୍ଟ ଜର୍ମନ୍ ତାରକା ନେମାର ଏହି ଅର୍ଥ ର କିଛି ଅଂଶ ଜାତିସଂଘର ୟୁନିସେଫକୁ ପ୍ରଦାନ କରିଛନ୍ତି। ଆଉ କିଛି ଅଂଶ ନିଜର ଜଣେ ବନ୍ଧୁଙ୍କ ଚାରିଟି ସଂସ୍ଥା କୁ ଦେଇଛନ୍ତି।
ତେବେ ନେମାର୍ ଙ୍କ କାର୍ଯ୍ୟାଳୟ ତରଫରୁ ଅଧିକ କିଛି କହିବାକୁ ମନା କରି ଦିଆଯାଇଛି। ଦାନ ଓ ସମାଜ ମଙ୍ଗଳ କାର୍ଯ୍ୟକ୍ରମ ବିଷୟରେ ଆମେ କିଛି ଘୋଷଣା କରି ନ ଥାଉ ବୋଲି ତାଙ୍କ ମୁଖପାତ୍ର କହିଛନ୍ତି।୨୮ ବର୍ଷୀୟ ନେମାର୍ ଙ୍କ ପୂର୍ବରୁ ତାଙ୍କ କ୍ଲବ ସା ଥି ଖେଳାଳି କିଲିଆନ୍ ଏମ୍ବାପେ ମଧ୍ୟ ବୃହତ ପରିମାଣର ଅର୍ଥ କୋଭିଡ-୧୯ ମୁକାବିଲା ପାଇଁ ଦାନ କରିଛନ୍ତି।
