ଓ୍ବାଶିଂଟନ,୧ା୪(ଏ.ପି.)- ଆମେରିକାର ପୂର୍ବତନ ଡେଭିସ କପ୍ ଅଧିନାୟକ ପାଟ୍ରିକ୍ ମେକ୍ଏନ୍ରୋ କରୋନା ଭାଇରସ୍ ଦ୍ୱାରା ସଂକ୍ରମିତ ହୋଇଛନ୍ତି। ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରି ସେ ଏ ନେଇ ସମସ୍ତଙ୍କୁ ଜଣାଇଛନ୍ତି। ମେକ୍ଏନ୍ରୋ ହେଉଛନ୍ତି ୮ଥର ମେଜର ଚାମ୍ପିୟନ ଜନ୍ ମ୍ୟାନଏନ୍ରୋଙ୍କ ସାନ ଭାଇ। ୧୦ ଦିନ ତଳେ କରୋନା ଭାଇରସ ସମ୍ପର୍କିତ କେତେକ ଲକ୍ଷଣ ଦେଖା ଦେବାରୁ ସେ ନିଜର ପରୀକ୍ଷା କରାଇଥିଲେ। ଶେଷରେ ସେ ପଜିଟିଭ୍ ବୋଲି ଜଣା ପଡିଥିଲା। ତେବେ ବର୍ତ୍ତମାନ ଏହି ଲକ୍ଷଣ ଆଉ ଦେଖଯାଇନାହିଁ ଓ ମୁଁ ଶତପ୍ରତିଶତ ସୁସ୍ଥ ଅନୁଭବ କରୁଛି ବୋଲି ମ୍ୟାକ୍ଏନ୍ରେ କହିଛନ୍ତି।
ଜଣେ ଟେନିସ ଖେଳାଳିଭାବେ ସେ ୧୯୮୯ରେ ସେ ଫ୍ରେଞ୍ଚ୍ ଓପନ ଜିତିଥିଲେ। ସେ ସିଙ୍ଗଲ୍ସରେ ଗୋଟିଏ ଓ ଡବଲ୍ସରେ ୧୬ଟି ଟୁର୍ନାମେଣ୍ଟରେ ବିଜୟୀ ହୋଇଥିଲେ। ବଡ଼ ଭାଇ ଜନ୍ଙ୍କ ପରେ ଡେଭିସ୍ କପ୍ ନେତୃତ୍ୱ ନେଇଥିଲେ ଓ ପାଖାପାଖି ୧୦ ବର୍ଷ ଦାୟିତ୍ୱ ସମ୍ପାଦନ କରିଥିଲେ। ୨୦୦୭ରେ ସେ ଆମେରିକାକୁ ଡେଭିସ୍ କପ୍ ଚାମ୍ପିୟନ କରାଇଥିଲେ। ସେ ମଧ୍ୟ ୟୁଏସ୍ ଟେନିସ ଆସୋସିଏଶନର ପ୍ଲେୟାର ଡେଭଲପମଣ୍ଟେର ଜେନେରାଲ ମ୍ୟାନେଜର ଭାବେ ସଫଳତାର ସହ କାର୍ଯ୍ୟ କରିଥିଲେ। ସେ ଓ ତାଙ୍କ ଭାଇ ଏବେ ଟେନିସ ମ୍ୟାଚ୍ରେ ଟିଭି ଆନାଲିଷ୍ଟ ଭାବେ କାର୍ଯ୍ୟ କରୁଛନ୍ତି।