ଭୁବନେଶ୍ୱର, ୪.୩(କ୍ରୀଡ଼ା ପ୍ରତିନିଧି)-
ଆସନ୍ତା ନଭେମ୍ବର ରେ ଭାରତର ୪ଟି ସ୍ଥାନରେ ଆୟୋଜନ ହେବାକୁ ଥିବା ୧୭ ବର୍ଷରୁ କମ୍ ମହିଳା ଫିଫା ବିଶ୍ବକପକୁ ସ୍ଥଗିତ ରଖାଯାଇଛି। ବିଶ୍ଵ ଫୁଟବଲ୍ ର ସର୍ବୋଚ୍ଚ ସଂସ୍ଥା ଫିଫାର ପରାମର୍ଶ କ୍ରମେ ସର୍ବଭାରତୀୟ ଫୁଟବଲ ଫେଡେରେଶନ ଓ ସ୍ଥାନୀୟ ଆୟୋଜକ କମିଟି ପକ୍ଷରୁ ଶନିବାର ଏହା ପ୍ରକାଶ କରା ଯାଇଛି। କରୋନା ଭାଇରସ ସଂକ୍ରମଣ ସାରା ବିଶ୍ବରେ ମହାମାରୀ ଭଳି ପରିସ୍ଥିତି ସ୍ରୁଷ୍ଟି କରିଥିବାରୁ ଏହି ନିଷ୍ପତ୍ତି ନିଆଯାଇଛି। ଏହି ବିଶ୍ୱକପ୍ ନଭେମ୍ବର ୨ରୁ ୨୧ ତାରିଖ ମଧ୍ୟରେ ଭାରତର ୫ ଟି ସ୍ଥାନ ରେ ଆୟୋଜନ ହେବାର କାର୍ଯ୍ୟକ୍ରମ ଥିଲା। ସେ ଗୁଡିକ ହେଲା ଭୁବନେଶ୍ୱର, କୋଲକାତା, ଗୁଆହାଟି, ଅହମ୍ମଦାବାଦ୍ ଓ ନଭି ମୁମ୍ବାଇ।
ଏହି ବିଶ୍ଵକପ ରେ ଆୟୋଜକ ଭାରତ ସମେତ ବିଶ୍ଵ ର ୧୬ ଟି ଦେଶ ଅଂଶ ଗ୍ରହଣ କରିବାର କାର୍ଯ୍ୟକ୍ରମ ଥିଲା। ପ୍ରଥମ ଥର ପାଇଁ ଭାରତ ଏଥିରେ ଅଂଶ ଗ୍ରହଣ କରିବାର ସୁଯୋଗ ପାଇଥିଲା। ଫିଫା କନଫେଡେ଼ରେଶନ୍ ୱର୍କି ଗ୍ରୁପ୍ ଏ ନେଇ ନିଷ୍ପତ୍ତି ନେଇଛି। ବିଶ୍ଵକପ୍ ନୂଆ କାର୍ଯ୍ୟସୂଚୀ ପରେ ଘୋଷଣା କରାଯିବ ବୋଲି ଫିଫା କହିଛି।
ଅନ୍ୟ ପଟେ ଫିଫା ଏଭଳି ନିଷ୍ପତ୍ତି ନେବା ବୋଲି ଆଶା କରାଯାଉ ଥିଲା ବୋଲି ଏଆଇଏଫଏଫ କହିଛି। କୋଭିଡ଼ ୧୯ କାରଣରୁ ପ୍ରାୟ ଅଧିକାଂଶ ଖେଳ ବାତିଲ କିମ୍ବା ସ୍ଥଗିତ ହୋଇଛି। ତେଣୁ ଏହି ବିଶ୍ଵ କପ୍ ସ୍ଥଗିତ ହୋଇଛି। ଆମକୁ ଏହାକୁ ଗ୍ରହଣ କରିବାକୁ ହେବା ବୋଲି ଏଆଇ ଏଫ୍ ଏଫ୍ ସାଧାରଣ ସମ୍ପାଦକ କୁସଲ୍ ଦାସ କହିଛନ୍ତି।