ହୋବ ସାଉଣ୍ଡ,୮।୫ (ଏପି): କୋଭିଡ-୧୯ ମହାମାରୀ ଲଢେଇ ଉଦ୍ଦ୍ୟେଶରେ ଆମେରିକୀୟ ତାରକା ଗଲ୍ଫର ଟାଇଗର ଉଡ୍ସ ଓ ଫିଲ ମିକେଲସନ ଏକ ପ୍ରଦର୍ଶନୀ ତଥା ଚ୍ୟାରିଟି ଇଭେଣ୍ଟରେ ପରସ୍ପରକୁ ଭେଟିବେ। ଏହି ମ୍ୟାଚ୍ ଆସନ୍ତା ୨୪ ତାରିଖରେ ମେଡାଲିଷ୍ଟ ଗଲ୍ଫ କ୍ଲବ୍ରେ ଆୟୋଜନ ହେବ। ଏହି ଇଭେଣ୍ଟରୁ ୧୦ ମିଲିୟନ ଆମେରିକୀୟ ଡଲାର ପାଣ୍ଠି ସଂଗ୍ରହ କରାଯିବ। ଇଭେଣ୍ଟରେ ହେବାକୁ ଥିବା ମୁକାବିଲାକୁ ଚାମ୍ପିୟନ୍ସ ଅଫ୍ ଚ୍ୟାରିଟି ରଖାଯାଇଛି। ଟାଇଗର, ମିକେଲସନଙ୍କୁ ବାଦ୍ ଦେଲେ ଏଥିରେ ଟମ୍ ବ୍ରାଡି ଓ ପେଟନ ମାନିଙ୍ଗ୍ ମଧ୍ୟ ସାମିଲ ହେବେ।
ମେ ୨୪ ଅପରାହ୍ନ ୩ଟା ବେଳେ ଏହି ଗଲ୍ଫ ମୁକାବିଲା ଆରମ୍ଭ ହେବ ଓ ଏହି ମୁକାବିଲାଗୁଡିକର ସିଧା ପ୍ରସାରଣ ହେବ। ଏହି ୪ ଖେଳାଳି ମିଳିତ ଭାବେ ୧୦ ମିଲିୟନ ଆମେରିକୀୟ ଡଳାର ପାଣ୍ଠି ସଂଗ୍ରହ କରିବାରେ ମୁଖ୍ୟ ଭୂମିକା ଗ୍ରହଣ କରିବେ। ୨୦୧୮ରେ ମିକେଲସନ ଲସ ଭେଗାସ୍ରେ ହରାଇଥିଲେ। ତେଣୁ ଏହି ମୁକାବିଲା ବେଶ୍ ରୋମାଞ୍ଚକ ହେବ ବୋଲି ଆଶା କରାଯାଉଛି।
ସେହିପରି ରୋରି ମ୍ୟାକଲୋରୀ ଓ ଡଷ୍ଟିନ୍ ଜନ୍ସନ ଏବଂ ରିକି ଫଲୋର ଓ ମାଥ୍ୟୁ ଉଲ୍ଫଙ୍କ ମଧ୍ୟରେ ସେମିନୋଲ ଗଲ୍ଫ କ୍ଲବ୍ରେ ପରସ୍ପରକୁ ମୁକାବିଲାରେ ଅବତୀର୍ଣ୍ଣ ହେବେ। ଫ୍ଲୋରିଡାର ଏହି ଗଲ୍ଫ କ୍ଲବ ବେଶ୍ ଜଣାଶୁଣା। ପ୍ରଥମଥର ପାଇଁ ଏହି ଇଭେଣ୍ଟ ଟିଭିରେ ପ୍ରସାରଣ ହେବ।