ବାରିପଦା ଅଫିସ,୨୫।୮: ମୟୂରଭଞ୍ଜ ଜିଲା ରାଇରଙ୍ଗପୁର ସହରର ୫ନଂ. ୱାର୍ଡର ମୃତ୍ୟୁକୁମାର ନାମକ ଜଣେ ବ୍ୟକ୍ତିଙ୍କ ନିକଟକୁ ରବିବାର ଆସିଥିବା ଏକ ପେଟିରୁ ନାଗ ସାପ ଉଦ୍ଧାର ହୋଇଛି। ତେବେ ଏହି ୬ଫୁଟ ଲମ୍ବର ନାଗ ସାପଟିକୁ କୁଚେଇବୁଢୀ ସଂରକ୍ଷିତ ଜଙ୍ଗଲରେ ଛାଡ଼ି ଦିଆଯାଇଛି ।
ସୂଚନାନୁଯାୟୀ, ମୃତ୍ୟୁ ପାଇପ ଲାଇନ୍ ବ୍ୟବସାୟ କରନ୍ତି। ତାଙ୍କ ପାଖକୁ କୋରିୟର ରୁ କିଛି ସାମଗ୍ରୀ ଏକ ପେଟି ଆସିଥିଲା। ପେଟି ଖୋଲିବା ମାତ୍ରେ ଏକ ନାଗସାପ ବାହାରିଥିଲା। ଏ ନେଇ ସେ ତୁରନ୍ତ ରାଇରଙ୍ଗପୁର ବନବିଭାଗକୁ ଖବର ଦେଇଥିଲେ। ଖବର ପାଇ ଦୁଇ ଜଣ ଫରେଷ୍ଟ ଗାର୍ଡ ଆସି ସେଠାରୁ ସାପଟିକୁ ଉଦ୍ଧାର କରିଛନ୍ତି।