ବଡମ୍ବା,୧୩ା୨(ଡି.ଏନ୍.ଏ): ନରସିଂହପୁର ଅବକାରୀ ସ୍କ୍ବାର୍ଡ ପକ୍ଷରୁ ବୁଧବାର ୩ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଜଣେ ଖସି ପଳାଇଯାଇଥିଲେ। ପରେ ତାଙ୍କୁ ଗିରଫ କରାଯାଇଛି। ସେ ହେଲେ ନରେଶ ବେହେରା(୩୦)। ତାଙ୍କ ଘର ବଡ଼ମ୍ବା ଥାନା ଅନ୍ତର୍ଗତ ମହୁଲିଆ ଗ୍ରାମରେ ବୋଲି ଜଣାପଡିଛି। ଗୁରୁବାର ତାଙ୍କୁ କୋର୍ଟ ଚାଲାଣ କରାଯିବ ବୋଲି ନରସିଂହପୁର ଅବକାରୀ ବିଭାଗ ଏସ୍ଆଇ ଥାପ୍ପା ମାରାଣ୍ଡି କହିଛନ୍ତି। ସୂଚନା ଅନୁଯାୟୀ, ବେଆଇନ ମଦ କାରବାରରେ ସମ୍ପୃକ୍ତି ଥିବା ଅଭିଯୋଗରେ ବୁଧବାର ସ୍କ୍ବାର୍ଡ ପକ୍ଷରୁ ନରେଶ, ବଡ଼ମ୍ବା ଥାନା କଜଳବେଢା ଗ୍ରାମର ସୁର ଶେଣ ଓ ଆସେଲିପୁର ଗ୍ରାମର ଅନ୍ତର୍ଯାମୀ ବେହେରାଙ୍କୁ ଅବକାରୀ ଗିରଫ କରାଯାଇ କୋର୍ଟ ଚାଲାଣ କରାଯାଇଥିଲା। ବିଭାଗ ଗାଡ଼ିରେ ଅଭିଯୁକ୍ତମାନଙ୍କୁ କୋର୍ଟକୁ ନିଆଯାଇଥିଲା। ମାତ୍ର କୋର୍ଟ ନିକଟରେ ନରେଶ ଗାଡ଼ିରୁ ଡେଇଁ ପଳାଇଯାଇଥିଲେ। ରାତି ପ୍ରାୟ ୮ଟା ବେଳେ ମହୁଲିଆ ଗ୍ରାମ ନିକଟ ଏକ ରାସ୍ତାରୁ ସେ ଧରାପଡ଼ିିଥିଲେ। ଅପରପକ୍ଷେ ଅନ୍ୟ ୨ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିଲା। ଉଭୟଙ୍କୁ ଜାମିନ ନ ମିଳିବାରୁ ବଡ଼ମ୍ବା ସବ୍ଜେଲ୍କୁ ପଠାଇ ଦିଆଯାଇଛି । କୋର୍ଟରେ ଉଭୟଙ୍କ ନାମରେ ପୃଥକ ଭାବେ ମାମଲା ନଂ.୨(ଏ)ସିସି.- ୪/୨୦ ଓ ୫/୨୦ ରୁଜୁ ହୋଇଛି।