ମୁମ୍ବାଇ,୧୫।୧୧ (ପି.ଟି.)- ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ଚାମ୍ପିୟନ ମୁମ୍ବାଇ ଇଣ୍ଡିଆନ୍ ଆଗାମୀ ସଂସ୍କରଣ ପାଇଁ ତା’ର କୋର ଟିମ୍ ବଜାୟ ରଖିଛି। ଅଭିଜ୍ଞ ଶ୍ରୀଲଙ୍କା ଦ୍ରୁତ ବୋଲର ଲାସିଥ ମାଲିଙ୍ଗା ଏଥିରେ ସାମିଲ ରହିଛନ୍ତି। ତେବେ ଦଳ ୧୨ ଜଣ ଖେଳାଳିଙ୍କୁ ରିଲିଜ କରିଛି। ୪ଥର ଟାଇଟଲ ଜିତିଥିବା ମୁମ୍ବାଇ ୧୮ ଜଣ ଖେଳାଳିଙ୍କୁ ରିଟେନ ବା ବଜାୟ ରଖିଛି। ଏମାନଙ୍କ ମଧ୍ୟରେ ଯୁବରାଜ ସିଂ, ଆଡାମ ମିଲନେ, ବେଉରାନ ହେଣ୍ଡ୍ରିକ୍ସ ଓ ବେନ୍ କଟିଙ୍ଗ ଭଳି ଖେଳାଳି ସାମିଲ ରହିଛନ୍ତି। ନ୍ୟୁଜିଲାଣ୍ଡ ଦ୍ରୁତ ବୋଲର ଟ୍ରେଣ୍ଟ ବୋଲ୍ଟ, ଓ୍ବେଷ୍ଟଇଣ୍ଡିଜ କ୍ରିକେଟର ଶେରଫେ୍ ରଦରଫୋର୍ଡ ଓ ମୁମ୍ବାଇ ଦ୍ରୁତ ବୋଲର ଧବଲ କୁଲକର୍ଣ୍ଣୀ ଟ୍ରେଡ ଇନ୍ କରାଯାଇଛି। ଅନ୍ୟପଟେ ମୁମ୍ବାଇ ଲେଗ୍ ସ୍ପିନର ମୟଙ୍କ ମାର୍କଣ୍ଡେ ଓ ବ୍ୟାଟ୍ସମ୍ୟାନ ସିଦ୍ଧାର୍ତ ଲାଡ ଯଥାକ୍ରମେ ଦିଲ୍ଲୀ କ୍ୟାପିଟାଲ୍ସ ଓ କୋଲକାତା ନାଇଟ୍ ରାଇଡର୍ସକୁ ଟ୍ରେଡ ଆଉଟ ହୋଇଛନ୍ତି।
ରିଟେନ ହୋଇଥିବା ମୁମ୍ବାଇ ଖେଳାଳି:
ରୋହିତ ଶର୍ମା, ହାର୍ଦ୍ଦିକ ପାଣ୍ଡ୍ୟା, ଯଶପ୍ରୀତ ବୁମ୍ରା, କ୍ରୁନାଲ ପାଣ୍ଡ୍ୟା, ଇଶାନ କିଷନ, ସୂର୍ଯ୍ୟକୁମାର ଯାଦବ, ରାହୁଲ ଚହର, ଅନମୋଲପ୍ରୀତ, ଜୟନ୍ତ ଯାଦବ, ଆଦିତ୍ୟା ତାରେ, ଅନକୁଳ ରଏ, ଧାଓ୍ବଲ କୁଲକର୍ଣ୍ଣୀ, କ୍ୱିଣ୍ଟନ ଡିକକ, କିରନ ପୋଲାର୍ଡ, ଶେରଫାନ ରଦରଫୋର୍ଡ, ଲାସିଥ ମାଲିଙ୍ଗା, ମିଚେଲ ମ୍ୟାକ୍ କ୍ଲିନଘନ, ଟ୍ରେଣ୍ଟ ବୋଲ୍ଟ।