ଲଖନପୁର, ୨୪।୯(ଡି.ଏନ.ଏ.)- କେନ୍ଦ୍ର ସରକାର କୋଲ୍ ଇଣ୍ଡିଆରେ ଶତପ୍ରତିଶତ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ କରିବାପାଇଁ କ୍ୟାବିନେଟରେ ନିଷ୍ପତ୍ତି ନେଇଛନ୍ତି। ଏହାକୁ ଏଆଇଟିୟୁସି, ଆଇଏନ୍ଟିୟୁସି, ସିଆଇଟିୟୁ, ଏଚ୍ଏମ୍ଏସ୍ ଆଦି ଟ୍ରେଡ ୟୁନିୟନ୍ମାନେ ବିରୋଧ କରିଛନ୍ତି। ଏହି ସବୁ ଯୁନିଅନଗୁଡ଼ିକର ନେତୃବୃନ୍ଦ ଓ କର୍ମଚାରୀମାନେ ମଙ୍ଗଳବାର ସକାଳେ ଏମ୍ସିଏଲ୍ ଲଖନପୁର ଖେତ୍ରାଧିନ ବେଲପାହାଡ ଓ ଲଖନପୁର ଖୋଲା ମୁହଁ କୋଇଲା ଖଣିର ବିଭିନ୍ନ ଅଞ୍ଚଳରେ ପହଞ୍ଚି ପିକେଟିଙ୍ଗ କରି ବନ୍ଦ କରିଛନ୍ତି । ଫଳରେ କୋଇଲା ଉତ୍ପାଦନ ଓ ପରିବହନ ସମ୍ପୁର୍ଣ୍ଣ ବାଧାପ୍ରାପ୍ତ ହୋଇଛ। କମ୍ପାନୀର କୋଟି କୋଟି ଟଙ୍କା କ୍ଷତି ହୋଇଛି ।
ଉପରୋକ୍ତ ଟ୍ରେଡ୍ ୟୁନିୟନ୍ ମାନେ ମଙ୍ଗଳବାର ଗୋଟିଏ ଦିନ ବନ୍ଦ ଡାକରା ଦେଇଥିବା ବେଳେ ଅଖିଳ ଭାରତୀୟ ମଜଦୁର ସଂଘ ୫ଦିନ ବନ୍ଦ ଡାକରା ଦେଇଛି । ଏହି ଆନ୍ଦୋଳନ ସୋମବାରରୁ ଆରମ୍ଭ ହୋଇଥିବା ବେଳେ ମଙ୍ଗଳବାର ଏହାର ଦ୍ୱିତୀୟ ଦିନ।