ବ୍ରହ୍ମପୁର ଅଫିସ,୪ା୫-କ୍ବାରାଣ୍ଟାଇନ୍ରେ ଥିବା ଲୋକଙ୍କୁ ଏଣିକି ଟ୍ରାକିଂ କରିବ ସ୍ବାସ୍ଥ୍ୟ ଆପ୍ ା ବାହାରୁ ଆସି ହୋମ୍ କ୍ବାରାଣ୍ଟାଇନ୍ ଓ ଇନ୍ଷ୍ଟିଚ୍ୟୁସ୍ନାଲ କ୍ବାରାଣ୍ଟାଇନ୍ରେ ଥିବା ପ୍ରବାସୀ ଓଡ଼ିଆଙ୍କୁ ମନିଟରିଂ ତଥା ସେମାନଙ୍କ ଗତିବିଧି ଉପରେ ନଜର ରଖିବା ନେଇ ବ୍ରହ୍ମପୁର ମହାନଗର ନିଗମ ସହଯୋଗରେ ଟେକେଡର୍ସ ଓ ଆର୍କିଟୋ ଡିଜାଇନ୍ ଷ୍ଟୁଡିଓ ସଂସ୍ଥା ପକ୍ଷରୁ ପ୍ରସ୍ତୁତ ହୋଇଛି ଏହି ସ୍ବାସ୍ଥ୍ୟ ଆପ୍ ା ଏହା ମାଧ୍ୟମରେ ପ୍ରବାସୀଙ୍କ ତଥ୍ୟ ସଂଗ୍ରହ ସହ ସେମାନଙ୍କ ଗତିବିଧି ଉପରେ ନଜର ରଖାଯିିବ ବୋଲି ସଂସ୍ଥା ପକ୍ଷରୁ କୁହାଯାଇଛି ା ଏନେଇ ରବିବାର ଟାଉନ୍ହଲରେ ଏକ କର୍ମଶାଳା ଆୟୋଜିତ ହୋଇଯାଇଛି ା ଏଥିରେ ଆପ୍ ବ୍ୟବହାର ନେଇ ବିଏମ୍ସି ଅଞ୍ଚଳରେ କୋଭିଡ୍-୧୯ କାର୍ଯ୍ୟରେ ନିୟୋଜିତ ସ୍ବାସ୍ଥ୍ୟ ବିଭାଗ କର୍ମଚାରୀଙ୍କୁ ଅବଗତ କରାଯାଇଥିଲା ା ଏହି ଆପ୍କୁ କ୍ବାରାଣ୍ଟାଇନ୍ରେ ଥିବା ବ୍ୟକ୍ତିଙ୍କ ମୋବାଇଲ ଫୋନରେ ଇନ୍ଷ୍ଟଲ କରାଯିବା ପରେ ସେମାନଙ୍କ ଗତିବିଧିକୁ ସହଜରେ ଟ୍ରାକିଂ କରିହେବ। ଏହାବ୍ୟତୀତ କ୍ବାରାଣ୍ଟାଇନ୍ରେ ଥିବା ଲୋକଙ୍କ ସମସ୍ୟା ସମ୍ପର୍କରେ ମଧ୍ୟ ସହଜରେ ତଥ୍ୟ ସଂଗ୍ରହ କରିହେବ। ଫଳରେ ସହଜରେ ଓ କମ୍ ସମୟରେ ତାଙ୍କ ନିକଟରେ ସ୍ବାସ୍ଥ୍ୟସେବା ପହଞ୍ଚାଯାଇ ପାରିବ ବୋଲି ସଂସ୍ଥା ପକ୍ଷରୁ ସୂଚାଯାଇଥିଲା ା ପ୍ରଥମ ଥର ପାଇଁ ବିଏମ୍ସିରେ କେଭିଡ୍-୧୯ ସମସ୍ୟାର ମୁକାବିଲା ପାଇଁ ଏଭଳି ଆପ୍ ବ୍ୟବହାର କରାଯାଉଥିବା ବେଳେ ଖୁବଶୀଘ୍ର ଆପ୍ ବ୍ୟବହାର ନେଇ କୋଭିଡ୍-୧୯ କାର୍ଯ୍ୟରେ ନିୟୋଜିତ ସମସ୍ତ ସ୍ବେଚ୍ଛାସେବୀ, ଅଙ୍ଗନୱାଡି କର୍ମୀ, ସ୍ବାସ୍ଥ୍ୟକର୍ମୀ, ଆଶା, ଏଏନ୍ଏମ୍ଙ୍କୁ ତାଲିମ ଦିଆଯିବ ବୋଲି ବିଏମ୍ସି ପକ୍ଷରୁ କୁହାଯାଇଛି ା କର୍ମଶାଳାରେ ବିଏମ୍ସି କମିଶନର ଚକ୍ରବର୍ତ୍ତୀ ସିଂ ରାଠୋରଙ୍କ ସମେତ ଟେକ୍ଡର୍ସ ସଂସ୍ଥା ସିଇଓ ସ୍ବାଧୀନ ନାୟକ, ଆର୍କିଟୋ ଡିଜାଇନ୍ ଷ୍ଟୁଡିଓ ସଂସ୍ଥା ଆର୍କିଟେକ୍ଟ ହୃଷୀକେଶ ନାୟକ ପ୍ରମୁଖ ଉପସ୍ଥିତ ଥିଲେ ା