ବଡ଼ସାହି,୬ା୫(ସ୍ବ.ପ୍ର.)-ମୟୂରଭଞ୍ଜ ଜିଲା ବଡ଼ସାହି ବ୍ଲକରେ ଥିବା ବିଭିନ୍ନ କ୍ବାରାଣ୍ଟାଇନ୍ ସେଣ୍ଟରକୁ ବଡ଼ସାହି ବିଧାୟକ ସନାତନ ବିଜୁଳି ମଙ୍ଗଳବାର ପରିଦର୍ଶନ କରିଛନ୍ତି। ରାଜ୍ୟ ବାହାରୁ ଫେରୁଥିବା ଲୋକମାନଙ୍କୁ ସୁରକ୍ଷିତ ଭାବେ ରଖିବା ସହ ସେମାନଙ୍କ ସମସ୍ତ ସୁବିଧା ସମ୍ପର୍କରେ ସେ ଅବଗତ ହୋଇଥିଲେ। ବଡ଼ସାହି ବିଡ଼ିଓ ଦିଲ୍ଲୀପ କୁମାର ମହାରଣା, ତହସିଲଦାର ମମତାଜ ମହାରଣା ଓ ପୋଲିସ ଅଧିକାରୀମାନେ ଉପସ୍ଥିତ ଥିଲେ। ପରେ ବିଧାୟକ ବିଜୁଳି ବ୍ଲକର ସୁହାଗପୁର, ଦେଉଳିଆ, ମାଣତ୍ରୀ,ଯୋଗୀନୂଆଗାଁ ଆଦି ବିଭିନ୍ନ ପଞ୍ଚାୟତ ବୁଲି କ୍ବାରାଣ୍ଟାଇନ୍ ସେଣ୍ଟରର ବ୍ୟବସ୍ଥା ସମ୍ପର୍କରେ ବୁଝିଥିଲେ।