ନୂଆଦିଲ୍ଲୀ,୨୨।୧୦: କ୍ରିକେଟକୁ ଅଧିକ ରୋମାଞ୍ଚକ କରିବା ପାଇଁ ବିଭିନ୍ନ ଉପାୟ ଆପଣାଯାଉଛି। ଟି-୨୦ଠାରୁ ଆରମ୍ଭ କରି ୧୦ ଓଭର ବିଶିଷ୍ଟ ମ୍ୟାଚ ମଧ୍ୟ ଆୟୋଜନ କରାଯାଉଛି। ଏବେ ‘ଦି ହଣ୍ଡ୍ରେଡ’ ପ୍ରତିଯୋଗିତା ଆୟୋଜନ ହେବାକୁ ଯାଉଛି। ୧୦୦ ବଲ ବିଶିଷ୍ଟ ଏହି ପ୍ରତିଯୋଗିତା ଆସନ୍ତା ବର୍ଷ ଜୁଲାଇ ମାସରେ ଇଂଲଣ୍ଡରେ ଆୟୋଜିତ ହେବ। ଉଭୟ ପୁରୁଷ ଓ ମହିଳା ବିଭାଗର ୮ ଲେଖାଏ ଦଳ ଏହି ପ୍ରତିଯୋଗିତାରେ ଭାଗ ନେବେ। ଏହି ଲିଗର ପ୍ରଥମ ସଂସ୍କରଣ ଲାଗି ଖେଳାଳି ନିଲାମ ପ୍ରକ୍ରିୟା ଚାଲିଛି।
ଜାଣନ୍ତୁ କେମିତି ଖେଳାଯିବ ଏହି ପ୍ରତିଯୋଗିତା
-ମ୍ୟାଚ ସମୟ ୨ରୁ ୨.୩୦ ଘଣ୍ଟା ରହିବ
-ପ୍ରତି ଦଳରେ ୧୫ ଖେଳାଳି ରହିବେ, ଶେଷ ଏକାଦଶରେ ୩ ଜଣ ବିଦେଶୀ ଖେଳାଳିଙ୍କୁ ସୁଯୋଗ ମିଳିବ।
-ମ୍ୟାଚ୍ର ପ୍ରତ୍ୟେକ ପାଳିରେ ୧୦୦ ବଲ ପକାଯିବ
-ଗୋଟିଏ ଓଭରରେ ୧୦ଟି ବଲ ପକାଯିବ
-ଗୋଟିଏ ଓଭର ଜଣେ ବୋଲର ପକାଇପାରିବ ନଚେତ୍ ଭାଗ ଭାଗ କରି ଅର୍ଥାତ୍ ଅଧିନାୟକ ଚାହିଁଲେ ଜଣେ ୫ଟି ବଲ୍ ଆଉ ଜଣେ ବୋଲର ବାକି ୫ଟି ବଲ୍ ପକାଇପାରିବ
-ପାଳିର ପ୍ରଥମ ୨୫ ବଲ ପାୱାର ପ୍ଲେ ରହିବ
-ମ୍ୟାଚରେ ଜଣେ ବୋଲର ଅତିବେଶୀରେ ୨୦ ବଲ ପକାଇ ପାରିବ