ନୂଆଦିଲ୍ଲୀ,୨୩।୧୧: ମହାରାଷ୍ଟ୍ର ରାଜନୀତିରେ ସୃଷ୍ଟି ହୋଇଥିବା ଇତିହାସକୁ ନେଇ ଏବେ ସବୁଠି ଚର୍ଚ୍ଚା ଚାଲିଛି। ଏହି ସମୟରେ କେନ୍ଦ୍ରମନ୍ତ୍ରୀ ତଥା ଭାଜପା ନେତା ନୀତିନ ଗଡକରି କହିଛନ୍ତି, ମୁଁ ପୂର୍ବରୁ କହିଥିଲି କ୍ରିକେଟ ଓ ରାଜନୀତରେ କିଛିବି ହୋଇପାରେ। ଏବେ ଆପଣମାନେ ଚିନ୍ତା କରନ୍ତୁ ମୁଁ କ’ଣ ପାଇଁ ଏହା କହିଥିଲି। ସୂଚନାଯୋଗ୍ୟ, ମହାରାଷ୍ଟ୍ରରେ ଭାଜପା ଶିବସେନାକୁ ନେଇ ସରକାର ଗଠନ କରିବାକୁ ଚାହୁଁଥିବା ସମୟରେ ୫୦-୫୦ ଫର୍ମୁଲାରେ କିନ୍ତୁ ଅଟକିଥିଲା ଶିବସେନା। ଏବେ ଶିବସେନା ମେଣ୍ଟ କରି ସରକାର ଗଢିବାକୁ ଚିନ୍ତା କରୁଥିବା ସମୟରେ ରାତି ପାହିବାକୁ ଦେଲାନି ଭାଜପା। ଶନିବାର ସକାଳୁ ହଠାତ୍ ଏନ୍ସିପି ସହ ମେଣ୍ଟ କରି ଭାଜପା ନେତା ଦେବେନ୍ଦ୍ର ଫଡ୍ନବିସ ପୁଣିଥରେ ମୁଖ୍ୟମନ୍ତ୍ରୀ ଭାବେ ଶପଥ ନେଲେ। ଏହାକୁ ଦେଖିବା ପରେ ଏବେ ଗଡକରି ତାଙ୍କ ପୁରୁଣା କଥାକୁ ଦୋହରାଇଛନ୍ତି।