ବରଗଡ଼ ଅଫିସ୍,୨୨।୪: ବରଗଡ଼ ଜିଲାରେ ମଙ୍ଗଳବାର ଅପରାହ୍ନରେ ଘୂଣ୍ଣିଝଡ଼ ସହିତ ବର୍ଷା ଓ କରକାପାତ ହୋଇଥିଲା । ଏଥିରେ ଜିଲାର ଅତାବିରା, ବରଗଡ଼, ଭେଡ଼େନ, ଗାଇସିଲେଟ୍, ପଦ୍ମପୁର, ପାଇକମାଲ ଆଦି ଅଞ୍ଚଳରେ ବ୍ୟାପକ ଫସଲକ୍ଷତି ହୋଇଥିଲା । ଉଭୟ ଧାନ, ପରିବା ଫସଲ ଉଜୁଡ଼ି ଯାଇଛି । ବୁଧବାର ସକାଳୁ କୃଷି ଓ ରାଜସ୍ବ ବିଭାଗର ଅଧିକାରୀମାନେ କ୍ଷୟକ୍ଷତି ଆକଳନ ଆରମ୍ଭ କରିଛନ୍ତି । ସେହିପରି ଜିଲା ଯୋଜନା ବୋର୍ଡ଼ କମିଟି ଅଧ୍ୟକ୍ଷ ତଥା ବରଗଡ଼ ବିଧାୟକ ଦେବେଶ ଆଚାର୍ଯ୍ୟ, ଜିଲାପାଳ ଜ୍ୟୋତିରଞ୍ଜନ ପ୍ରଧାନ, ତହସିଲଦାର ସବ୍ୟସାଚୀ ପଣ୍ଡା, ଲୋକସଭା ଏମପି ସୁରେଶ ପୂଜାରୀ ପ୍ରମୁଖ ଖଣ୍ଡହଥା, ଗାଇସୀମା ଆଦି କ୍ଷତିଗ୍ରସ୍ତ ଅଞ୍ଚଳ ବୁଲି ଦେଖି ଫସଲକ୍ଷତି ଅନୁଧ୍ୟାନ କରିଛନ୍ତି ।