ବରଗଡ଼ ଅଫିସ୍,୭।୫: ବରଗଡ଼ ଜିଲା ଭେଡ଼େନ ବ୍ଲକ ଅନ୍ତର୍ଗତ ରେଶମ ପଞ୍ଚାୟତର ରେଶମ, ସିଂହେନପାଲି, ପ୍ରଧାନପାଲି, ଇଛାପଦର ଆଦି ଗ୍ରାମରେ ଗତ ଏପ୍ରିଲ ୭ତାରିଖ ଏବଂ ଚଳିତମାସ ୫ତାରିଖ ହୋଇଥିବା ଝଡ଼ବର୍ଷା, କରକାପାତରେ ବ୍ୟାପକ ଧାନ, ପରିବା ଫସଲ ଉଜୁଡ଼ି ଯାଇଛି । ସେହିପରି ସମ୍ପୃକ୍ତ ଅଞ୍ଚଳରେ ଅଜଣା ରୋଗପୋକରେ ମଧ୍ୟ ଫସଲ ଧୂଳିସାତ୍ ହୋଇ ପଡ଼ିଥିବା ଚାଷୀମାନେ ଅଭିଯୋଗ କରିଛନ୍ତି । ଫଳରେ ଫସଲକ୍ଷତିର ଠିକ୍ ଆକଳନ କରି ସେମାନଙ୍କୁ କ୍ଷତିପୂରଣ ସହାୟତା ଯୋଗାଇବା ଦିଗରେ ପଦକ୍ଷେପ ନେବାକୁ ଚାଷୀମାନେ ଦାବି କରିଛନ୍ତି । ଏହି ପରିପ୍ରେକ୍ଷୀରେ ବୁଧବାର ଅଞ୍ଚଳର ଚାଷୀମାନେ ସ୍ଥାନୀୟ ରାଜସ୍ବ ନିରୀକ୍ଷକଙ୍କ ଜରିଆରେ ଭେଡ଼େନ ତହସିଲଦାରଙ୍କୁ ଏକ ସ୍ମାରକପତ୍ର ପ୍ରଦାନ କରିଛନ୍ତି । ସ୍ମାରକପତ୍ର ପ୍ରଦାନ ସମୟରେ ସୁଦାମ ପାତ୍ର, ସଞ୍ଜିବ କୁମାର ଭୋଇ, ଦାଶରଥି ଭୋଇ, ଗଙ୍ଗାଧର ପ୍ରଧାନ, ବୀର କିଶୋର ସାହୁ ପ୍ରମୁଖ ଉପସ୍ଥିତ ଥିଲେ।
