ମୁମ୍ବାଇ: ବଲିଉଡ୍ର ଗଳି କନ୍ଦିରେ ନାୟିକା କ୍ୟାଟ୍ରିନା କୈଫ ଓ ନାୟକ ଭିକ୍କି କୌଶଲଙ୍କ ଆଫେୟାର୍ସକୁ ନେଇ ଚର୍ଚ୍ଚା ଚାଲିଛି। ହେଲେ ଏମାନେ ଏପର୍ଯ୍ୟନ୍ତ ଏସମ୍ପର୍କରେ କିଛି ମନ୍ତବ୍ୟ ଦେଇ ନାହାନ୍ତି। ଏମାନଙ୍କୁ ଦୀପାବଳିରୁ ଆରମ୍ଭ କରି ବିଭିନ୍ନ ବାର୍ଥ ଡେ’ ପାଟିରେ ଏକାଠି ଦେଖିବା ପରେ ଚର୍ଚ୍ଚା ଆହୁରି ବଢିଯାଇଛି। ଅବଶ୍ୟ ନିକଟରେ ଏହି ସମ୍ପର୍କକୁ ନେଇ ଭିକ୍କି ମୁହଁ ଖୋଲିଛନ୍ତି। ସେ କହିଛନ୍ତି ପର୍ସନାଲ ଲାଇଫକୁ ନେଇ ସେ ସବୁବେଳେ ଖୋଲା। ଏହା ବ୍ୟତୀତ ଆମ ସମ୍ପର୍କକୁ ନେଇ ଏବେ ଯାହା ସବୁ ଆଲୋଚନା ହେଉଛି ତାକୁ ନେଇ ଆଉ ସଫେଇ ଦେବା ଆବଶ୍ୟକ ନାହିଁ। କାରଣ ସେ କେବେ ମିଛ କହିପାରନ୍ତି ନାହିଁ ବୋଲି କହିଛନ୍ତି। ଆଉ ଏଥିରେ କୌଣସି ଷ୍ଟୋରୀ ନାହିଁ ବୋଲି ମଧ୍ୟ ଭିକ୍କି ହସିହସି କହିଛନ୍ତି। ଆଉ ଭଲପାଇବା କଥା ଯଦି ଉଠୁଛି ଏହା ତ ‘ବେଷ୍ଟ ଫିଲିଙ୍ଗ’। ତେବେ କ୍ୟାଟ୍ରିନା ଓ ଭିକ୍କିଙ୍କ ଡେଟିଙ୍ଗ ଖବର ସେବେଠାରୁ ଆରମ୍ଭ ହେଲା ଯେବେ କରନ ଜୋହରଙ୍କ ଚାଟ ଶୋ’ରେ ଭିକ୍କି କ୍ୟାଟ୍ରିନାଙ୍କୁ ପସନ୍ଦ କରନ୍ତି ବୋଲି କହିଥିଲେ। ଏହାପରେ ଏହି ଯୋଡିଙ୍କୁ ବହୁବାର ଏକାଠି ଦେଖିବା ପରେ ଏମାନଙ୍କ ରିଲେସନଶିପକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା।
