ନୂଆଦିଲ୍ଲୀ,୧୦।୬: କ୍ରିକେଟରରୁ ରାଜନେତା ପାଲଟିଥିବା ନବଜୋତ ସିଂ ସିଦ୍ଧୁ ଏବେ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂଙ୍କ ଉପରେ ଖପ୍ପା ହୋଇଛନ୍ତି। କାରଣ ଅମରିନ୍ଦର ତାଙ୍କୁ ଇତି ମଧ୍ୟରେ ଦୁଇଥର ଝଟ୍କା ଦେଇ ସାରିଲେଣି। ସୋମବାର ସିଦ୍ଧୁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଓ ଦଳ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ଭେଟି ଏକ ଚିଠି ଦେଇଛନ୍ତି। ଉକ୍ତ ଚିଠିରେ ସିଦ୍ଧୁ ରାଜ୍ୟର ସ୍ଥିତି ବିଷୟରେ ରାହୁଲଙ୍କୁ ଅବଗତ କରାଇଛନ୍ତି। ସିଦ୍ଧୁଙ୍କର ବିଭାଗ ବଦଳକୁ ନେଇ ସେ ଅସନ୍ତୁଷ୍ଟ ଥିବାରୁ ୨ ଦିନ ତଳେ ସେ ରାହୁଲଙ୍କୁ ସାକ୍ଷାତ୍ କରିବାକୁ ଯାଇଥିଲେ। ହେଲେ ସେତେବେଳେ ରାହୁଲ ତାଙ୍କୁ ସମୟ ଦେଇ ନ ଥିଲେ। ଏପର୍ଯ୍ୟନ୍ତ ସିଦ୍ଧୁ ତାଙ୍କ ନୂଆ ବିଭାଗର ଦାୟିତ୍ୱ ନେଇ ନ ଥିବା ବେଳେ ରାହୁଲଙ୍କୁ ଭେଟି ଏ ସମ୍ପର୍କରେ ଗୁହାରି କରିଥିବା କୁହାଯାଉଛି।