ଭଞ୍ଜନଗର,୨୯।୪(ଡି.ଏନ୍.ଏ.)- ଭଞ୍ଜନଗର ଏନ୍ଏସି ପକ୍ଷରୁ ଟାଉନ ହଲ୍ରେ ହୋଇଥିବା କ୍ୱାରାଣ୍ଟାଇନ କେନ୍ଦ୍ର ପାଣିପମ୍ପ ସୋମବାର ରାତିରେ ଅଚଳ ହୋଇପଡ଼ିଥିଲା। ମଙ୍ଗଳବାର ସକାଳେ ଲୋକେ ପାଣି ପାଇପାରିନଥିଲେ। କେନ୍ଦ୍ରରେ ଥିବା ଖ୍ରୀଷ୍ଟିୟାନ ସାହିର ଜଣେ ବ୍ୟକ୍ତି ଏନେଇ କେନ୍ଦ୍ର ସମ୍ମୁଖରେ କିଛି ସମୟ ପାଇଁ ଧାରଣା ଦେଇଥିଲେ। ଏହାପରେ ସେ ବିଭିନ୍ନ କାର୍ଯ୍ୟାଳୟକୁ ଯାଇ ଅବ୍ୟବସ୍ଥା ସମ୍ପର୍କରେ ଅଭିଯୋଗ କରିଥିଲେ। ଏନ୍ଏସି ଯନ୍ତ୍ରୀ ସୁଶାନ୍ତ ସାହୁ ତାଙ୍କୁ ବୁଝାଶୁଝା କରିବା ପରେ ପରିସ୍ଥିତି ସ୍ବାଭାବିକ ହୋଇଥିଲା। ଅପରାହ୍ନରେ ପମ୍ପ ମରାମତି ପରେ ଜଳଯୋଗାଣ ସ୍ବାଭାବିକ ହୋଇଥିଲା। ଏହାପୂର୍ବରୁ କେନ୍ଦ୍ରରେ ରହୁଥିବା ଲୋକଙ୍କୁ ଟ୍ୟାଙ୍କର ଯୋଗେ ପାଣି ଯୋଗାଇ ଦିଆଯାଇଥିଲା। ଏନେଇ ଯନ୍ତ୍ରୀଙ୍କ ସହ ଯୋଗାଯୋଗ କରିବାରୁ ସେ ଏଠାରେ କହିଛନ୍ତି ଯେ, ପମ୍ପଟି ରାତିରେ ଅଚଳ ହେବାପରେ ମରାମତି କରାଯାଇଛି। ନିୟମ ମୁତାବକ କେନ୍ଦ୍ରର ଲୋକଙ୍କୁ ସୁବିଧା ଯୋଗାଇ ଦିଆଯାଉଛି।