ଖଣ୍ଡପଡ଼ା,୫ା୭(ସ୍ବ.ପ୍ର.)-ଗଡଜାତ ଖଣ୍ଡପଡ଼ାସ୍ଥିତ ୩ଟି ସ୍ଥାନରେ ଗୁରୁବାର ଶ୍ରୀଜୀଉଙ୍କ ଘୋଷଯାତ୍ରା ମହାସମାରୋହରେ ଅନୁଷ୍ଠିତ ହୋଇଯାଇଛି ା ପ୍ରାୟ ୨ଶହ ବର୍ଷରୁ ଊର୍ଦ୍ଧ୍ୱ ହେବ ଆୟୋଜିତ ଯାତ୍ରାରେ ଅନୁକୂଳ ପାଗ ଯୋଗୁ ପ୍ରାୟ ୭/୮ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ ହୋଇଥିଲା ା ଏଠାରେ ୨ଟି ରଥ ମଧ୍ୟରୁ ଗୋଟିଏ ରାଜପରିବାର ଦ୍ୱାରା ପ୍ରତିଷ୍ଠିତ ଏକକ ଜଗନ୍ନାଥ(ବଡ଼ ଜଗନ୍ନାଥ) ଓ ଅନ୍ୟଟି ଦେବୋତ୍ତର ବିଭାଗ ତତ୍ତ୍ବାବଧାନରେ ଥିବା ଶ୍ରୀ ରଘୁନାଥ ମନ୍ଦିରର ପାର୍ଶ୍ୱ ଠାକୁର ଭାବେ ବିରାଜିତ ୩ ଠାକୁର ବିଜେ ହୋଇଥାନ୍ତି ା ଉଭୟ ରଥଟଣା ପୂର୍ବରୁ ଠାକୁରଙ୍କୁ ସମସ୍ତ ନୀତିକାନ୍ତିପୂର୍ବକ ମଙ୍ଗଳାର୍ପଣ କରାଯାଇଥିଲା ା ଅପରାହ୍ନ ୩ଟାରେ ଶ୍ରୀଜୀଉଙ୍କୁ ମନ୍ଦିରରୁ ପହଣ୍ଡି ବିଜେ ପରେ ଛେରାପହଁରା କାର୍ଯ୍ୟ ଅନୁଷ୍ଠିତ ହୋଇଥିଲା ା ଏକକ ଜଗନ୍ନାଥ ଓ ପ୍ରଭୁ ଶ୍ରୀପତିତପାବନ ଦେବଙ୍କ ରଥର ଛେରାପହଁରା କାର୍ଯ୍ୟ କରିଥିଲେ ଯଥାକ୍ରମେ ରାଜା ବିଭୂତି ଭୂଷଣ ସିଂ ମର୍ଦ୍ଦରାଜ ଓ ବଡପୂଜକ ପ୍ରଫୁଲ୍ଲ ପରିଚ୍ଛା ା ଝିପି ଝିପି ବର୍ଷା ହେଉଥିଲା। ତେବେ ସନ୍ଧ୍ୟା ପୂର୍ବରୁ ଏକକ ଜଗନ୍ନାଥଙ୍କ ରଥ ଗୁଣ୍ଡିଚା ମଣ୍ଡପରେ ପହଞ୍ଚତ୍ଥିବାବେଳେ ପତିତପାବନଙ୍କ ରଥ କିଛି ଦୂରରେ ଅଟକି ରହିଥିଲା । ଶାନ୍ତିଶୃଙ୍ଖଳା ଓ ସୁରକ୍ଷା ନିମନ୍ତେ ପ୍ରଶାସନ ପକ୍ଷରୁ ସ୍ବତନ୍ତ୍ର ବ୍ୟବସ୍ଥା କରାଯାଇଥିଲା। ସେହିପରି ଖଳିସାହି ଜଗନ୍ନାଥ ମନ୍ଦିର, ମର୍ଦ୍ଦରାଜପୁର ମୁଣ୍ଡିଆ ହନୁମାନଙ୍କ ପୀଠସ୍ଥିତ ଶ୍ରୀ ପତିତପାବନ ଦେବଙ୍କ ରଥଯାତ୍ରା ଅନୁଷ୍ଠିତ ହୋଇଯାଇଛି ା ଖଳିସାହି ଘୋଷଯାତ୍ରାକୁ ନବ କିଶୋର ପୃଷ୍ଟି ଓ ଦୟାନିଧି କୋଠାଳ ପରିଚାଳନା କରିଥିବାବେଳେ ପବିତ୍ର କୁମାର ପୃଷ୍ଟି ଛେରାପହଁରା କରିଥିଲେ ା ସାରଥି ଭାବେ ଯଥାକ୍ରମେ ଲିଙ୍ଗରାଜ ଲାଲ୍ ଓ ନିରଞ୍ଜନ ଦାସ କାର୍ଯ୍ୟ କରିଥିଲେ ା ସେହିପରି ମର୍ଦ୍ଦରାଜପୁରଠାରେ ସରପଞ୍ଚ ବୈକୁଣ୍ଠନାଥ ଗୋଚ୍ଛି ଛେରାପହଁରା କରିଥିଲେ ା ସନ୍ଧ୍ୟାରେ ରଥାରୂଢ଼ ଶ୍ରୀବିଗ୍ରହଙ୍କ ନିକଟରେ ଅଧରପଣା ଲାଗି କରାଯାଇଥିଲା। ଅଗ୍ନିଶମ ବିଭାଗ କର୍ମଚାରୀମାନେ କାର୍ଯ୍ୟକ୍ରମରେ ବିଶେଷ ସହଯୋଗ କରିଥିଲେ ା ସାଇ ଅମୃତ ଗ୍ରୁପ ପକ୍ଷରୁ ପାନୀୟ ଜଳ ବ୍ୟବସ୍ଥା କରାଯାଇଥିଲା ା ଏହି କାର୍ଯ୍ୟକ୍ରମରେ ଖଣ୍ଡପଡ଼ାର ପୂର୍ବତନ ବିଧାୟକ ଅନୁଭବ ପଟ୍ଟନାୟକ ଓ ତହସିଲଦାର ଏବଂ ପ୍ରଶାସନିକ ଅଧିକାରୀମାନେ ଯୋଗଦେଇଥିଲେ। ସାଇ ଅମୃତ ଗ୍ରୁପର ମୁଖ୍ୟ ପରିଚାଳକ ଚନ୍ଦ୍ରକାନ୍ତ ସାହୁ ଉତ୍ସବରେ ସଂଯୋଜନା କରିଥିଲେ ା