ଅମରପାଲି,୨୦।୯(ଡି.ଏନ୍.ଏ.): ସୁବର୍ଣ୍ଣପୁର ଜିଲା ସୁବଳୟା ଥାନା ଖଣ୍ଡହତା ସେବା ସମବାୟ ସମିତିର ସଭାପତି ପ୍ରଦୀପ ବିଶ୍ୱାଳଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି।
ପ୍ରଦୀପଙ୍କ ଘର ଖଣ୍ଡହତା ପଞ୍ଚାୟତର ପୁଇପାଣି ଗ୍ରାମରେ। ଏପରିକି ଖଣ୍ଡହତାରେ ମଧ୍ୟ ତାଙ୍କର ଘର ଏବଂ ଏକ ଔଷଧ ଦୋକାନ ରହିଛି। ସବୁଦିନଭଳି ଗୁରୁବାର ରାତି ୯ଟାରୁ ୧୦ଟା ମଧ୍ୟରେ ସେ ଦୋକାନ ବନ୍ଦ କରି ଘରକୁ ଏକା ଫେରୁଥିବା ପରିବାରଲୋକଙ୍କୁ ଜଣାଇଥିଲେ। ହେଲେ ଏଥିରେ ବିଳମ୍ବ ହେବାରୁ ତାଙ୍କୁ ଖୋଜା ଯାଇଥିଲା। ପରେ ଘରଠାରୁ ପ୍ରାୟ ଅଧ କିଲୋମିଟର ଦୂରରେ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ତାଙ୍କୁ ଉଦ୍ଧାର କରାଯାଇଥିଲା। ଗୁରୁତର ଅବସ୍ଥାରେ ତାଙ୍କୁ ସୋନପୁର ମେଡିକାଲରେ ଭର୍ତ୍ତି କରାଯାଇଥିଲା। ମାତ୍ର ସେଠାରେ ତାଙ୍କର ମୃତ୍ୟୁ ଘଟିଥିଲା।
ସୂଚନାଯୋଗ୍ୟ, ପ୍ରଦୀପ ଖଣ୍ଡହତା ସମବାୟ ସମିତିର ସଭାପତି ଏବଂ ବିଜେଡିର ଜଣେ ନେତା ଥିଲେ। ଏହାସହ ତାଙ୍କ ସ୍ତ୍ରୀ ପୂର୍ବରୁ ବୀରମହାରାଜପୁର ପଞ୍ଚାୟତ ସମିତିର ଉପାଧ୍ୟକ୍ଷ ମଧ୍ୟ ଥିଲେ।
