ପାତ୍ରପୁର,୨୧ା୪(ଡି.ଏନ୍.ଏ.)- ଗଞ୍ଜାମ ଜିଲା ପାତ୍ରପୁର ବ୍ଲକର ଧରିତ୍ରୀ ଖବରଦାତା ଉମାଶଙ୍କର କରଙ୍କୁ ମଙ୍ଗଳବାର ରାତିରେ ମଦବେପାରୀ ଆକ୍ରମଣ କରିଛନ୍ତି। ଏନେଇ ଜରଡା ଥାନାରେ ଏତଲା ପରେ ନଂ.୭୩/୨୦ରେ ମାମଲା ରୁଜୁକରି ଜଣଙ୍କୁ ଅଟକ ରଖି ପୋଲିସ ତଦନ୍ତ ଚଳାଇଛି।
ପ୍ରକାଶ ଯେ, ଗତ ଶନିବାର ଉମାଶଙ୍କରଙ୍କ ନିଜଗ୍ରାମ ଗୁଣ୍ଡ୍ରାରେ ଅବକାରୀ ବିଭାଗ ଚଢାଉ କରି ଚୋରାମଦ ବିକ୍ରି କରୁଥିବା ଜଣେ ବ୍ୟକ୍ତିଙ୍କୁ ଗିରଫ କରିଥିଲା। ରବିବାର ସେ ବେଲରେ ଆସିଥିଲେ। ମଙ୍ଗଳବାର ରାତିରେ ଉକ୍ତ ବ୍ୟକ୍ତି ଓ ତାଙ୍କ ବଡଭାଇ ମଦ ବିକ୍ରି ନେଇ ଅବକାରୀ ବିଭାଗକୁ ତୁମେ ଖବର ଦେଉଛ ବୋଲି କହି ଉମାଶଙ୍କରଙ୍କୁ ଆକ୍ରମଣ କରିଥିଲେ। ତାଙ୍କ ଆଖିରେ ଗଭୀର ଆଘାତ ଲାଗିଛି। ବୁଧବାର ପାତ୍ରପୁର, ଚିକିଟି ଓ ଦିଗପହଣ୍ଡି ବ୍ଲକର ଖବରଦାତା ଗଣମାଧ୍ୟମ ପ୍ରତିନିଧିଙ୍କୁ ଏପରି ଆକ୍ରମଣର ନିନ୍ଦା କରିବା ସହ ଜରଡା ଥାନାରେ ପହଞ୍ଚତ୍ ତୁରନ୍ତ ଅଭିଯୁକ୍ତଙ୍କୁ ଗିରଫ ଦାବି କରିଛନ୍ତି। ଜରଡା ପୋଲିସ ଗ୍ରାମରେ ଚଢାଉ କରି ଜଣଙ୍କୁ ଥାନାକୁ ନେଇ ପଚରାଉଚରା ଚଳାଇଥିବାବେଳେ ଅନ୍ୟଜଣେ ଫେରାର ଥିବା ଥାନା ଅଧିକାରୀ ମୃତ୍ୟୁଞ୍ଜୟ ସ୍ବାଇଁ କହିଛନ୍ତି। ଅନ୍ୟ ଜଣକୁ ମଧ୍ୟ ଖୁବ୍ଶୀଘ୍ର ଗିରଫ କରାଯିବ ବୋଲି ସେ କହିଛନ୍ତି।