ବିଜୟନଗରମ,୨୮।୯: ଏଠାରେ ଚାଲିଥିବା ଦକ୍ଷିଣ ଆଫ୍ରିକା ଓ ବୋର୍ଡ ସଭାପତି ଏକାଦଶ ମଧ୍ୟରେ ଚାଲିଥିବା ୩ ଦିନିଆ ଅଭ୍ୟାସ ମ୍ୟାଚ୍ ଶନିବାର ଅନ୍ତିମ ଦିନରେ ପହଞ୍ଚତ୍ଛି। ଏହି ମ୍ୟାଚ୍ରେ ବରିଷ୍ଠ ବ୍ୟାଟ୍ସମ୍ୟାନ ରୋହିତ ଶର୍ମା ପ୍ରଥମ ଥର ପାଇଁ ଟେଷ୍ଟ ଫର୍ମାଟରେ ଓପନିଂ କରିଥିଲେ। ହେଲେ ୩୦ ବର୍ଷୀୟ ରୋହିତ ଖାତା ଖୋଲିବାକୁ ସକ୍ଷମ ହୋଇନାହାନ୍ତି। ଭାରତୀୟ ଇନିଂସର ଦ୍ୱିତୀୟ ଓଭରରେ ଭନର୍ନ ଫିଲାଣ୍ଡରଙ୍କ ବଲରେ ଆଉଟ୍ ହୋଇ ରୋହିତ ଫ୍ୟାଭିଲିଅନ ଫେରିଛନ୍ତି। ଏହି ମ୍ୟାଚ୍ ଦକ୍ଷିଣ ଆଫ୍ରିକା ବିପକ୍ଷ ୩ ଟିକିଆ ଟେଷ୍ଟ ସିରିଜ୍ ପୂର୍ବରୁ ଏକମାତ୍ର ଅଭ୍ୟାସ ମ୍ୟାଚ। ପୂର୍ବରୁ ଭାରତୀୟ ଦଳ ଘୋଷଣାବେଳେ ରୋହିତଙ୍କୁ ଟେଷ୍ଟରେ ଓପନର ଭାବେ ଖେଳାଇବାକୁ ମୁଖ୍ୟ ଚୟନକର୍ତ୍ତା ଏମ୍ଏସେ୍କେ ପ୍ରସାଦ କହିଥିଲେ। ଏହାପରେ ରୋହିତ ଦିନିକିଆ ଓ ଟି୨୦ ଭଳି ଟେଷ୍ଟ ଫର୍ମାଟରେ ସଫଳ ହେବେ କି ନାହିଁ ପୂର୍ବତନ କ୍ରିକେଟରଙ୍କ ମଧ୍ୟରେ ଆଲୋଚନା ଆରମ୍ଭ ହୋଇଥିଲା।