କେନ୍ଦୁଝର, ୧ା୬ (ସ୍ବ.ପ୍ର.)-ଚଳିତବର୍ଷ କରୋନା ମହାମାରୀ ସତ୍ତ୍ୱେ ମାଧ୍ୟମିକ ଶିକ୍ଷା ପରିଷଦ, କଟକ ଦ୍ୱାରା ପରିଚାଳିତ ହାଇସ୍କୁଲ ସାର୍ଟିଫିକେଟ ପରୀକ୍ଷା ଖାତା ମୂଲ୍ୟାୟନ ଗତ ୨୬ ତାରିଖଠାରୁ ଆରମ୍ଭ ହୋଇଛି। କେନ୍ଦୁଝର ଜିଲାରେ ନରସିଂହସ୍ବାଇଁ ପୋଲିସ ଉଚ୍ଚ ବିଦ୍ୟାଳୟ ଏବଂ ଆନନ୍ଦପୁର ସରକାରୀ ବାଳିକା ଉଚ୍ଚ ବିଦ୍ୟାଳୟ ଦୁଇଟି କେନ୍ଦ୍ରରେ ମୂଲ୍ୟାୟନ ଚାଲୁଅଛି। ଛାତ୍ରଛାତ୍ରୀଙ୍କ ଭବିଷ୍ୟତକୁ ଆଖି ଆଗରେ ରଖି ବହୁ ଦୂରଦୂରାନ୍ତରୁ ଶିକ୍ଷକ, ଶିକ୍ଷୟିତ୍ରୀମାନେ ନିଜ ଜୀବନକୁ ବିପଦ କରି ଏଥିରେ ସହଯୋଗ କରିଛନ୍ତି। ମାତ୍ର କୋଭିଡ୍-୧୯ ନିମନ୍ତେ ମୂଲ୍ୟାୟନକାରୀଙ୍କୁ ଏକ ସ୍ବତନ୍ତ୍ର ପ୍ରୋତ୍ସାହନ ରାଶି ଦେବା ପାଇଁ ଗଣଶିକ୍ଷା ବିଭାଗ ମନ୍ତ୍ରୀ କରିଥିବା ଘୋଷଣା ସଂପର୍କରେ ଅଦ୍ୟାବଧି କୌଣସି ସୂଚନା ନାହିଁ। ଏଥି ନିମନ୍ତେ ସୋମବାର ନରସିଂହସ୍ବାଇଁ ପୋଲିସ ଉଚ୍ଚ ବିଦ୍ୟାଳୟ କେନ୍ଦ୍ରରେ ସମସ୍ତ ମୂଲ୍ୟାୟନକାରୀଙ୍କ ସ୍ବାକ୍ଷରରେ କ୍ୟାମ୍ପ ଅଫିସରଙ୍କୁ ଓଷ୍ଟା କେନ୍ଦୁଝର ନେତୃତ୍ୱରେ ଦାବିପତ୍ର ପ୍ରଦାନ କରାଯିବା ସଙ୍ଗେ ସଙ୍ଗେ ଯଥାଶୀଘ୍ର ଏହା ଘୋଷଣା କରା ନ ଗଲେ ଭବିଷ୍ୟତରେ ଖାତା ମୂଲ୍ୟାୟନରେ ବ୍ୟାହତ ହେବ ବୋଲି ଜିଲ୍ଲା ଓଷ୍ଟା କାର୍ଯ୍ୟକାରୀ ସଭାପତି ରଘୁନାଥ ବେହେରା, ସଂପାଦକ କ୍ଷୀରୋଦ କୁମାର ରାଉତ, ରାଜ୍ୟ ସଂପାଦକ କାହ୍ନୁଚରଣ ସାମଲ ଏବଂ ଝୁମ୍ପୁରା ବ୍ଲକ ସଭାପତି ନରେନ୍ଦ୍ର କୁମାର ସାହୁ ଚେତାବନୀ ଦେଇଛନ୍ତିି।