ଖଇରା, ୨୮।୪(ଡି.ଏନ.ଏ.)-ନୂଆଦିଲ୍ଲୀରେ ଆୟକର ବିଭାଗରେ ଡେପୁଟି କମିଶନର ଭାବେ କାର୍ଯ୍ୟରତ ବାଲେଶ୍ୱର ଜିଲା ଖଇରା ବ୍ଲକ ନୂଆଗାଁ ବଡ ଗ୍ରାମର ଆଶିଷ କୁମାର ପଣ୍ଡା ନିଜ ଅଞ୍ଚଳରେ ଅସହାୟମାନଙ୍କ ପାଇଁ ସହଯୋଗ ଅବ୍ୟାହତ ରଖିଛନ୍ତି ା ଖଇରା ଓ ସିମୁଳିଆ ବ୍ଲକରେ ତାଙ୍କ ସମ୍ପର୍କୀୟଙ୍କ ସହାୟତାରେ ଗାଁ ଗାଁ ବୁଲି ମାସ୍କ ଓ ଶୁଖିଲା ଖାଦ୍ୟ କିଟ୍ ବଣ୍ଟନ କରିଛନ୍ତି। ସୋମବାର ଖଇରା ପଞ୍ଚାୟତର ବଣପାରିଆ ମହତୀପୁର ପଞ୍ଚାୟତର ମହତୀପୁର, ଗନ୍ଧାଳୀ, ଗୋପାଳବେଡା, ଫଗୁଣା, ବିଣାପୁର ଗ୍ରାମ ଗୋବିନ୍ଦପୁର ପଞ୍ଚାୟତର ଚନ୍ଦ୍ରାଟିକିରି ଓ ବଡଟିକିରି, ସାରଡାଙ୍ଗ ପଞ୍ଚାୟତର ଅଲିପୁର ଗ୍ରାମକୁ ଯାଇ ଲୋକମାନଙ୍କୁ ହାତ ଧୁଆ ଓ ସାମାଜିକ ଦୂରତା ରଖିବା ଭଳି ସଚେତନତା ବାର୍ତ୍ତା ଲୋକମାନଙ୍କୁ ପ୍ରଦାନ କରିବା ପରେ କିଟ୍ ହସ୍ତାନ୍ତର କରିଥିଲେ। ଏହି କାର୍ଯ୍ୟକ୍ରମରେ ଜଗଦିଶ ପଣ୍ଡା, ହରିହର ପଣ୍ଡା, ଭାଜପାର ଜିଲା କାର୍ଯ୍ୟକାରିଣୀ ସଭ୍ୟ ଅଜୟ ବେହେରା, ଭାଜପା ଯୁବମୋର୍ଚ୍ଚାର ପ୍ରାକ୍ତନ ସଭାପତି ଆଲୋକ ପଣ୍ଡା, ଅଦ୍ୱୈତ ପ୍ରସାଦ ଦାଶ, ମାୟାଧର ପାଣିଗ୍ରାହୀ, ସାରଡାଙ୍ଗ ଭାଜପା ପ୍ରମୁଖ ବୁଲୁ ଲେଙ୍କା ପ୍ରମୁଖ ସହଯୋଗ କରିଥିଲେ ା