ବ୍ରହ୍ମପୁର ଅଫିସ,୧୫ା୫-ବ୍ରହ୍ମପୁର ମହାନଗର ନିଗମ ନିର୍ଦ୍ଦେଶରେ ଅନ୍ଧପସରା ରୋଡ ନିକଟସ୍ଥ ଆମ୍ବ ବଜାର ଗୁରୁବାର ଖାଲି କରାଯାଇଛି। ବିଏମ୍ସିର ନିର୍ଦ୍ଦେଶ ପ୍ରକାରେ ଭୋର ୪ଟାରୁ ଅପରାହ୍ନ ୧ଟା ମଧ୍ୟରେ ବ୍ୟବସାୟୀମାନେ ମାର୍କେଟରେ ଥିବା ସମସ୍ତ ଆମ୍ବ ଖାଲି କରିଛନ୍ତି ା କିନ୍ତୁ ୩ ଦିନ ମାର୍କେଟ ବନ୍ଦ ଯୋଗୁ ୪ହଜାର କୁଇଣ୍ଟାଲ ଆମ୍ବ ନଷ୍ଟ ହେବାରୁ କୋଟିଏ ଟଙ୍କାର କ୍ଷତି ସହିଥିବା ବ୍ୟବସାୟୀମାନେ କହିଛନ୍ତି ା ଆମ୍ବ ପାଚିବାକୁ ୪୮ ଘଣ୍ଟା ସମୟ ଆବଶ୍ୟକ ରହିଥିବା ବେଳେ ଏହାଠାରୁ ଅଧିକ ସମୟ ରହିବା ଯୋଗୁ ପ୍ରାୟ ୪ ହଜାର କୁଇଣ୍ଟାଲ ଆମ୍ବ ପଚି ନଷ୍ଟ ହୋଇ ଯାଇଥିବା ବ୍ୟବସାୟୀମାନେ କହିଛନ୍ତି। ସାମାଜିକ ଦୂରତ୍ୱ ନିୟମ ଉଲ୍ଲଂଘନ ଅଭିଯୋଗରେ ସୋମବାରଠାରୁ ବିଏମ୍ସି ପକ୍ଷରୁ ମାର୍କେଟ ବନ୍ଦ କରାଯାଇଥିଲା ା ଫଳରେ ବ୍ୟବସାୟୀଙ୍କୁ କ୍ଷତି ସହିବାକୁ ପଡିଥିବା ସଂଘ ସମ୍ପାଦକ ପ୍ରକାଶ ଚନ୍ଦ୍ର ଗୌଡ କହିଛନ୍ତି ା ସାମାଜିକ ଦୂରତ୍ୱ ନିୟମ ପାଳନ ସହ ପ୍ରଶାସନ ପକ୍ଷରୁ ଜାରି କରାଯାଇଥିବା ସମସ୍ତ ନିୟମାବଳୀ ପାଳନ କରିବା ନେଇ ବ୍ୟବସାୟୀମାନେ ସମ୍ମତି ପ୍ରକାଶ କରିବା ସହ ମାର୍କେଟ ଖୋଲିବାକୁ ଅନୁମତି ଦେବାକୁ ପ୍ରଶାସନ ଓ ବିଏମ୍ସି କମିଶନରଙ୍କୁ ନିବେଦନ କରାଯାଇଛି ା ମାର୍କେଟରେ ୮୨ ଷ୍ଟଲ ଥିବା ବେଳେ ସେଥିରୁ ୧୫ ହୋଲସେଲ ଷ୍ଟଲ ରହିଛି। ଏହାବ୍ୟତୀତ ଅନ୍ୟ ସମସ୍ତ ଖୁଚୁରା ଦୋକାନ ା ତେଣୁ ବ୍ରହ୍ମପୁର ମହାନଗର ନିଗମ ଅନୁମତି ଦେଲେ ବ୍ୟବସାୟୀଙ୍କ ସହ ଗ୍ରାହକ ଉପକୃତ ହୋଇପାରିବେ ବୋଲି ସଂଘ ସମ୍ପାଦକ କହିଛନ୍ତି ା
(((((((ଫଟୋ——୫