ନୂଆଦିଲ୍ଲୀ,୨୧।୫: ଖୁବ୍ ଶୀଘ୍ର ବଜାରକୁ ଆସିବାକୁ ଯାଉଛି ନୂଆ ୧୦ ଟଙ୍କିଆ ନୋଟ। ମହାତ୍ମା ଗାନ୍ଧୀଙ୍କ ନୂଆ ସିରିଜରେ ଏହି ୧୦ଟଙ୍କିଆ ନୋଟ ଜାରି କରାଯିବ ବୋଲି ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ(ଆରବିଆଇ) ସୂଚନା ଦେଇଛି। ଏହି ନୂଆ ନୋଟରେ ଆଇବିଆଇ ଗଭର୍ନର ଶକ୍ତିକାନ୍ତ ଦାସଙ୍କ ହସ୍ତାକ୍ଷର ରହିଥିବା ଜଣାପଡ଼ିଛି। ଏଥିସହ ବଜାରରେ ପୂର୍ବରୁ ଚାଲୁଥିବା ୧୦ ଟଙ୍କିଆ ନୋଟର ପ୍ରଚଳନ ମଧ୍ୟ ଜାରି ରହିବ ବୋଲି କେନ୍ଦ୍ରୀୟ ବ୍ୟାଙ୍କ କହିଛି। ଏହା ପୂର୍ବରୁ ଆରବିଆଇ ପକ୍ଷରୁ ୨୦ଟଙ୍କିଆ ନୋଟ ଜାରି କରାଯିବ ବୋଲି ଘୋଷଣା କରାଯାଇଥିଲା। ମହାତ୍ମା ଗାନ୍ଧୀଙ୍କ ନୁଆ ସିରିଜରେ ଜାରି କରାଯାଇଥିବା ଏହି ନୋଟରେ ମଧ୍ୟ ଉର୍ଜିତ ପଟେଲଙ୍କ ହସ୍ତାକ୍ଷର ରହିବ ବୋଲି ସୂଚନା ମିଳିଛି।
