ନୂଆଦିଲ୍ଲୀ, ୬।୬(ପି.ଟି.)- ଭାରତୀୟ ଅଲିମ୍ପିକ୍ କମିଟି (ଆଇଓଏ) ଉପରେ ଲାଗିଥିବା ବ୍ୟାନ ଯୋଗୁ ଚଳିତ ବର୍ଷ ଫେବୃୟାରୀଠାରୁ ଦେଶରେ କୌଣସି ଅନ୍ତର୍ଜାତୀୟ ଇଭେଣ୍ଟ ଆୟୋଜନ ହୋଇ ପାରୁନାହିଁ। ଏ ସମ୍ପର୍କରେ ଆଇଓଏ ସଭାପତି ନରିନ୍ଦର ବାତ୍ରା ନବନିଯୁକ୍ତ କ୍ରୀଡ଼ାମନ୍ତ୍ରୀ କିରନ ରିଜିଜୁଙ୍କ ସହ ଭେଟିଛନ୍ତି। ଆଇଓଏ ସଭାପତିଙ୍କ ସହ ବକ୍ସିଂ ଫେଡେରେଶନ ଅଫ୍ ଇଣ୍ଡିଆ ସଭାପତି ଅଜୟ ସିଂଙ୍କ ମଧ୍ୟ ବର୍ତ୍ତମାନ ସ୍ଥିତି ସମ୍ପର୍କରେ ଆଲୋଚନା କରିଛନ୍ତି। ମୁଁ ଓ ବିଏଫ୍ଆଇ ସଭାପତି କ୍ରୀଡ଼ାମନ୍ତ୍ରୀଙ୍କୁ ତାଙ୍କ ବାସଭବନରେ ଭେଟିଥିଲୁ। ଆଇଓସି ଲଗାଇଥିବା ବ୍ୟାନ ସମ୍ପର୍କରେ ଜଣାଇଛୁ। ଆମ ସମସ୍ୟା ବୁଝିବା ପରେ ମନ୍ତ୍ରୀ ଖୁବ ଶୀଘ୍ର ସ୍ଥିତିରେ ସ୍ଥିତି ବଦଳିବ ବୋଲି ଆଶ୍ୱାସନା ଦେଇଥିବା ବାତ୍ରା କହିଛନ୍ତି। ଉଲ୍ଲେଖଥାଉ କି, ଗତ ଫେବୃୟାରରେ ପୁଲଓ୍ବାମା ଆତଙ୍କବାଦୀ ଆକ୍ରମଣ ଘଟିଥିଲା। ଏହାପରେ ଆଇଏସ୍ଏସ୍ଏଫ୍ ବିଶ୍ୱକପ୍ରେ ଅଂଶଗ୍ରହଣ କରିବା ଲାଗି ପାକିସ୍ତାନର ଦୁଇ ଶୁଟରଙ୍କୁ ଭିଜା ଦେବାକୁ ମନା କରି ଦେଇଥିଲା। ଏଭଳି ସ୍ଥିତି ପରେ ସମସ୍ତ ଅନ୍ତର୍ଜାତୀୟ କ୍ରୀଡ଼ା ଫେଡେରେଶନଙ୍କୁ ସେମାନଙ୍କ ଦଳ ଭାରତ ନ ପଠାଇବାକୁ ଆଇଓସି କହିଥିଲା। ସରକାରଙ୍କ ତରଫରୁ ଯୋଗ୍ୟତା ଅର୍ଜନ କରିଥିବା ଖେଳାଳି ଓ ସେମାନଙ୍କ ଷ୍ଟାଫଙ୍କ ସୁରକ୍ଷା ନେଇ ଲିଖିତ ଆସ୍ବାଶନା ଦେଶରେ ଅନ୍ତର୍ଜାତୀୟ ଇଭେଣ୍ଟ ଆୟୋଜନ ହୋଇପାରିବ।