ଭୁବନେଶ୍ୱର,୧୪ା୧୦(ବ୍ୟୁରୋ) : ଖୋର୍ଦ୍ଧା-ନୟାଗଡ଼ ଚଳାଚଳ କରୁଥିବା ଦୁଇଟି ପାସେଞ୍ଜର ଟ୍ରେନର ସମୟ ସୂଚୀ ପରିବର୍ତ୍ତନ ହୋଇଛି। ଆସନ୍ତା ମଙ୍ଗଳବାରଠାରୁ ଆରମ୍ଭ ହେବାକୁ ଯାଉଥିବା ସ୍ପେଶାଲ ସେବା ଏକ୍ସପ୍ରେସର ଚଳାଚଳକୁ ଅଧିକ ସୁବିଧାଜନକ କରବା ଲାଗି ଏହି ସମୟ ସାରଣୀ ବଦଳାଯାଇଛି ବୋଲି କୁହାଯାଇଛି। ବର୍ତ୍ତମାନ ଚଳାଚଳ କରୁଥିବା(୫୮୪୩୧-୫୮୪୩୨) ଖୋର୍ଦ୍ଧାରୋଡ-ନୟାଗଡ଼ ଟାଉନ ପାସେଞ୍ଜର ଖୋର୍ଦ୍ଧାରୋଡ ଷ୍ଟେଶନରୁ ସକାଳ ୭ଟା ୧୫ ପରିବର୍ତ୍ତେ ୮ଟା ୨୦ମିନିଟ୍ରେ ଛାଡିବ। ନୟାଗଡ଼ ଟାଉନ ଷ୍ଟେଶନରେ ସକାଳ ୮ଟା ୫୫ ପରିବର୍ତ୍ତେ ୯ଟା ୪୫ରେ ପହଞ୍ଚତ୍ବ। ଫେରିବାବେଳେ ପୂର୍ବାହ୍ନ ୯ଟା ୨୦ ପରିବର୍ତ୍ତେ ୧୦ଟାରେ ଛାଡିବ। ଗନ୍ତବ୍ୟସ୍ଥଳ ଖୋର୍ଦ୍ଧାରୋଡରେ ୧୧ଟା ୦୫ ପରିବର୍ତ୍ତେ ୧୧ଟା ୪୫ମିନିଟ୍ରେ ପହଞ୍ଚତ୍ବ। ସେହିପରି (୫୮୪୨୯-୫୮୪୩୦) ଖୋର୍ଦ୍ଧାରୋଡ-ନୟାଗଡ଼ ଟାଉନ ପାସେଞ୍ଜର ଖୋର୍ଦ୍ଧାରୋଡଠାରୁ ସନ୍ଧ୍ୟା ୭ଟା ୩୦ ପରିବର୍ତ୍ତେ ୮ଟା ୧୫ରେ ଛାଡ଼ିବ। ନୟାଗଡ଼ ଟାଉନ ଷ୍ଟେଶନରେ ରାତି ୯ଟା୧୦ ବଦଳରେ ୯ଟା ୪୦ରେ ପହଞ୍ଚତ୍ବ। କିନ୍ତୁ ଫେରିବାବେଳେ ନୟାଗଡ଼ରୁ ଖୋର୍ଦ୍ଧାରୋଡ ମଧ୍ୟରେ ସମୟସାରଣୀ ଅପରିବର୍ତ୍ତିତ ରହିଛି। ନୟାଗଡ଼ଠାରୁ ସକାଳ ୫ଟାରୁ ଛାଡି ଖୋର୍ଦ୍ଧାରେ ସକାଳ ୬ଟା ୪୫ରେ ପହଞ୍ଚତ୍ବ।
ସୂଚନା ଥାଉ କି, ଭୁବନେଶ୍ୱରରୁ ନୟାଗଡ଼ ଟାଉନ ସେବା ଏକ୍ସପ୍ରେସ ଆସନ୍ତା ମଙ୍ଗଳବାର ଅପରାହ୍ନ ୧ଟା ୩୦ ସମୟରେ ରେଳମନ୍ତ୍ରୀ ପୀୟୁଷ ଗୋୟଲ ଭିଡିଓ କନଫରେନ୍ସିଂ ଜରିଆରେ ଶୁଭାରମ୍ଭ କରିବେ। ଭୁବନେଶ୍ୱର ଷ୍ଟେଶନରେ ପରିବହନ ମନ୍ତ୍ରୀ ପଦ୍ମନାଭ ବେହେରା, ଉଚ୍ଚଶିକ୍ଷା ମନ୍ତ୍ରୀ ଅରୁଣ କୁମାର ସାହୁ, ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା, ପୁରୀ ଏମ୍ପି ପିନାକୀ ମିଶ୍ର, ଭୁବନେଶ୍ୱର ଏମ୍ପି ଅପରାଜିତା ଷଡ଼ଙ୍ଗୀ, ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା, ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ ରାଉତ ଯୋଗ ଦେବେ।