ତେଲକୋଇ, ୧।୧୦(ଡି.ଏନ.ଏ.)-କଳା ସମର୍ପିତ ହୋଇଛନ୍ତି କଳାକାର ବାଜିଗର। ଅପହଞ୍ଚ ଅଞ୍ଚଳରେ ତାଙ୍କର ବେଶ ଆଦୃତ ତାଙ୍କ କଳାକୁ ନେଇ। ଛୋଟ ବୟସରୁ ଏହି କଳାକୁ ନେଇ ମୃଦଙ୍ଗ, ମାଦଳ, ଡୁବି ତବଲା, ଢୋଲ ଆଦି ପ୍ରସ୍ତୁତି କରିବା ସହିତ ଉକ୍ତ ବାଦ୍ୟଯନ୍ତ୍ରର ମୁର୍ଚ୍ଛନାକୁ ତୋଳି ରଖିଛନ୍ତି। ଏଥିପାଇଁ ଜିଲା ସମେତ ଅନୁଗୋଳ, ଢେଙ୍କାନାଳ, ଦେବଗଡ, ମୟୂରଭଞ୍ଜ ଜିଲାରୁ ଆସନ୍ତି ଏହି ବାଦ୍ୟଯନ୍ତ୍ର ତିଆରି ପାଇଁ। ସରକାରଙ୍କ ତରଫରୁ ପ୍ରଶଂସା କରାଯାଉଥିବାବେଳେ କୌଣସି ସହାୟତା କରାଯାଉନି। ଏଭଳି ପ୍ରତିଭା ଥାଇ ମଧ୍ୟ ଲୁକ୍କାୟିତ ହୋଇଯାଉଛି।
ତେଲକୋଇ ବ୍ଲକ ଅଧୀନର ସିରିଗିଡା ପଞ୍ଚାୟତର ମକାପଡା ଗ୍ରାମର ହେଲେ ନୟନ ଦାସ(୭୫)। ଛୋଟ ବେଳୁ ଏହି କଳାରେ ପାରଙ୍ଗମ ହୋଇଥିବା ବେଳେ ଏହାକୁ ନିଜର ବୃତ୍ତି ଭାବି ଅଦ୍ୟାବଧି ଜାରି ରଖିଛନ୍ତି । ତାଙ୍କର ସ୍ବତନ୍ତ୍ର ପରିଚୟ ହେଉଛି ସେ ଜଣେ ତପସ୍ବୀ। ଜନ୍ମ ପରେ କେବେ ଚପଲ ପିନ୍ଧିନାହାନ୍ତି। ବିଭିନ୍ନ ଜିଲାକୁ ଗଲେ ଖାଲିପାଦରେ ଯିବା ସହିତ ସମସ୍ତଙ୍କ ଶ୍ରଦ୍ଧା ଭାଜନ ହୋଇଥାନ୍ତି। ତାଙ୍କ ମୃଦଙ୍ଗ ଓ ମାଦଳକୁ ଭୁବନେଶ୍ୱର ସ୍ଥିତ ଇସ୍କନ ମନ୍ଦିର ପକ୍ଷରୁ ଅର୍ଡର ଦିଆଯାଇ ଜିଲ୍ଲା ଓ ଦେଶ ବାହାରକୁ ନେଇଥାନ୍ତି । ତାଙ୍କୁ କାହିବାନୁଯାୟୀ ଗ୍ରାମରେ ସ୍କୁଲ ନ ଥିବା ସ୍ଥଳେ ନିକଟସ୍ଥ ସ୍କୁଲରେ ସପ୍ତମ ଶ୍ରେଣୀ ପର୍ଯ୍ୟନ୍ତ ପାଠ ପଢିଛନ୍ତି। ମୃଦଙ୍ଗ, ମାଦଳ ଏବଂ ଢୋଲର ମୁର୍ଚ୍ଛନା ଦେବା ଗୁରୁତ୍ୱ ଯୋଗୁ ସବୁ ଯନ୍ତ୍ରପାତିକୁ ତିଆରି କରୁଥିବାରୁ ତାଙ୍କୁ ଆଦୃତ କରିଛନ୍ତି। ସେହି ଅଞ୍ଚଳର ବିଭିନ୍ନ ଗ୍ରାମର କୀର୍ତ୍ତନ ମଣ୍ଡଳୀ ଦୈନିକ ଆସି ତାଙ୍କୁ ଉତ୍ସାହିତ କରିବାରେ ଲାଗିଛନ୍ତି । ପରିବାର କହିଲେ ୨ପୁଅ ବୋହୂ, ନାତିନାତୁଣି ସମସ୍ତେ ପାଖରେ ଅଛନ୍ତି। ତାଙ୍କ ମଧ୍ୟରେ ଥିବା ଏହି ପ୍ରତିଭାକୁ ଅଣଦେଖା କରାଯାଉଛି। ଜୀବନ ଥିବା ମଧ୍ୟରେ ଏହି ଖୋଳ ତାଳର ମେଳକୁ ଉଜ୍ଜୀବିତ କରିବାକୁ ନିଷ୍ପତ୍ତି ନେଇଛି। ଜିଲା ଓ ଓଡିଶା ବାହାର ସଂସ୍ଥା ଆସି ପ୍ରଶଂସାରେ ପୋତୁ ଥିବା ବେଳେ ଏହା କଳାକୁ ସ୍ବତନ୍ତ୍ର ଭାବେ ଉଜ୍ଜୀବୀତ କରିବା ପାଇଁ ଉଦ୍ୟମ ଜାରି ରଖିଥିବା ସେ କହିଛନ୍ତି। ଘର ପର୍ଯ୍ୟନ୍ତ ଆସିବାକୁ ରାସ୍ତା ନାହିଁ। ଜଙ୍ଗଲ ଅଞ୍ଚଳରେ ରହିଥିଲେ ହେଁ ବାଦ୍ୟଯନ୍ତ୍ର ପାଇଁ ବହୁ ଲୋକେ ଆସି ପହଞ୍ଚିଥାନ୍ତି। ଶେଷ ନିଃଶ୍ୱାସ ପର୍ଯ୍ୟନ୍ତ ଏହି କଳାକୁ ବଞ୍ଚାଇ ରଖିବାକୁ ସେ ଦୃଢ଼ ସ୍ବରରେ କହିଛନ୍ତି ।