ମାଞ୍ଚେଷ୍ଟର, ୮ା୭ (ଏଏଫ୍ପି)-ହାମଷ୍ଟ୍ରିଙ୍ଗ ଇଞ୍ଜୁରି ଯୋଗୁ ବ୍ୟାଟ୍ସମ୍ୟାନ ଉସ୍ମାନ ଖ୍ବାଜା ଚଳିତ ଆଇସିସି ବିଶ୍ୱକପ୍ର ଅବଶିଷ୍ଟ ମ୍ୟାଚଗୁଡ଼ିକରୁ ବାଦ୍ ପଡ଼ିଛନ୍ତି। ଅଷ୍ଟ୍ରେଲିଆ ମୁଖ୍ୟ କୋଚ୍ ଜଷ୍ଟିନ ଲାଙ୍ଗର ସୋମବାର ଏ ସମ୍ପର୍କରେ ସ୍ପଷ୍ଟ କରିଛନ୍ତି। ଟପ୍ ଅର୍ଡର ବ୍ୟାଟ୍ସମ୍ୟାନ ଖ୍ବାଜା ଶନିବାର ଓଲ୍ଡଟ୍ରାଫୋର୍ଡଠାରେ ଦକ୍ଷିଣ ଆଫ୍ରିକା ବିପକ୍ଷ ୧୦ର ପରାଜୟ ମ୍ୟାଚ ଖେଳୁଥିବାବେଳେ ତାଙ୍କ ବାମ ପାର୍ଶ୍ୱ ଉରୁସନ୍ଧିରେ ଆଘାତ ଲାଗିଛି। ଖ୍ବାଜାଙ୍କ ସ୍ଥାନରେ ମାଥ୍ୟୁ ଓ୍ବାଡେଙ୍କୁ ୧୫ ଜଣିଆ ଅଷ୍ଟ୍ରେଲିଆ ଦଳରେ ସାମିଲ କରାଯିବ। ତେବେ ଏହା ପୂର୍ବରୁ ଏ ନେଇ ଇଣ୍ଟରନ୍ୟାଶନାଲ କ୍ରିକେଟ କାଉନ୍ସିଲ (ଆଇସିସି)ର ଅନୁମତି ନେବାକୁ ପଡ଼ିବ। ଅଷ୍ଟ୍ରେଲିଆ ଗୁରୁବାର ଦ୍ୱିତୀୟ ସେମିଫାଇନାଲରେ ଏଜ୍ବାଷ୍ଟନଠାରେ ଏହାର ପୁରୁଣା ପ୍ରତିଦ୍ୱନ୍ଦ୍ୱୀ ଇଂଲଣ୍ଡକୁ ଭେଟିବାକୁ ଥିବାବେଳେ ଖ୍ବାଜାଙ୍କ ଅନୁପସ୍ଥିତି ଦଳକୁ ନିଶ୍ଚିତ ଏକ ଶକ୍ତ ଧକ୍କା। କାରଣ ସେ ଦଳର ଜଣେ ପ୍ରମୁଖ ସଦସ୍ୟ ବୋଲି ଲାଙ୍ଗର ରବିବାର କ୍ରିକେଟ ଅଷ୍ଟ୍ରେଲିଆ ଓ୍ବେବ୍ସାଇଟ୍କୁ କହିଛନ୍ତି। ସେମିଫାଇନାଲ ପୂର୍ବରୁ ଆମେ ପୂର୍ବରୁ ଅନ୍ୟ ଜଣେ ଖେଳାଳି ଶନ୍ ମାର୍ଶଙ୍କୁ ହରାଇ ସାରିଛୁ। ଗୁରୁବାର ତାଙ୍କ ବାମହାତ ହାଡ଼ ଭାଙ୍ଗି ଯାଇଛି।
