ହିଞ୍ଜିଳିକାଟୁ,୨୦ା୧୦(ଡି.ଏନ୍.ଏ.)-ଗଞ୍ଜାମ ଜିଲା ହିଞ୍ଜିଳିକାଟୁ ବ୍ଲକ ବଡ଼ଖଣ୍ଡି ଗ୍ରାମରେ ଜଣେ ବିବାହିତା ମହିଳା ଚାକିରୀ ନ ଛାଡ଼ିବାରୁ ଗ୍ରାମ୍ୟ କମିଟି କଙ୍ଗାରୁ କୋର୍ଟ କରି ମହିଳାଙ୍କ ମା’ ବାପାଙ୍କୁ ଗ୍ରାମରୁ ସାମାଜିକ ବାସନ୍ଦ କରିଛନ୍ତି। ଗତ ଜୁଲାଇ ୪ରେ ଗ୍ରାମର ନାଡ଼ି ରାଜେଶ୍ୱରୀ ଓ ନାଡ଼ି ଭଗବାନଙ୍କ ପରିବାରଙ୍କୁ ଗ୍ରାମ୍ୟ କମିଟି ଏହି ଦଣ୍ଡାଦେଶ ଶୁଣାଇଥିଲେ। ୫ହଜାର ୫ଶହ ଟଙ୍କା ଜରିମାନା କରିବା ସହ ଧେଣ୍ଡୁରା ଦେଇ ନିଅଁ।ପାଣି ଓ ସାମାଜିକ ବାସନ୍ଦ କରିଛନ୍ତି। ଏନେଇ ପ୍ରଥମେ ଧରିତ୍ରୀ/ଓଡ଼ିଶା ପୋଷ୍ଟରେ ଗତ ୩ରେ ଖବର ପ୍ରକାଶିତ ପରେ ରଫାଦଫା ପାଇଁ ପ୍ରଶାସନ ଉଦ୍ୟମ କରିଥିଲା। ଗ୍ରାମର କିଛି ବ୍ୟକ୍ତିଙ୍କ ଜିଦ୍ ଯୋଗୁ ଏମାନେ ଗଁ।କୁ ଫେରିବାକୁ ଭୟ କରୁଛନ୍ତି। ଶୁକ୍ରବାର ବାସନ୍ଦ ପରିବାର ଯୋଡ଼ହସ୍ତରେ ସାମାଜିକ ଗଣମାଧ୍ୟମରେ ମୁଖ୍ୟମନ୍ତ୍ରୀ, ପୋଲିସ ଉଚ୍ଚ ଅଧିକାରୀ ଓ ଗଁ। ଲୋକଙ୍କୁ ନିବେଦନ କରି ସେମାନଙ୍କୁ ଗଁ। ରେ ଶାନ୍ତିରେ ରହିବାକୁ ଅନୁମତି ଦେବାକୁ ନିବେଦନ କରିଛନ୍ତି। ଅନ୍ୟ ପକ୍ଷରେ ଏହି ଭିଡ଼ିଓ ବିଭିନ୍ନ ସାମାଜିକ ଗଣ ମାଧ୍ୟମରେ ଭାଇରାଲ ପରେ ବହୁ ମାନବ ଅଧିକାର ଓ ସମାଜିକ କର୍ମୀଙ୍କ ସମେତ ବିଭିନ୍ନ ସ୍ତରରେ ପ୍ରଶାସନର ସ୍ଥାଣୁତା ଓ ଗ୍ରାମ୍ୟ କମିଟି ନାମରେ କଙ୍ଗାରୁ କୋର୍ଟକୁ ବିରୋଧ କରିଛନ୍ତି।
ପ୍ରକାଶ ଥାଉ କି, ବଡ଼ଖଣ୍ଡି ଗ୍ରାମର ନାଡ଼ି ଭଗବାନଙ୍କ ସାନ ଝିଅ ମମତା ଗଜପତି ଜିଲା ଲକ୍ଷ୍ମୀପୁର ସରକାରୀ ଆବାସିକ ବାଳିକା ଉଚ୍ଚ ବିଦ୍ୟାଳୟରେ ସହକାରୀ ଶିକ୍ଷୟିତ୍ରୀ ଅଛନ୍ତି। ସେ ବଡ଼ଖଣ୍ଡି ଗ୍ରାମରେ ବିବାହ କରିଥିଲେ। ସ୍ବାମୀଙ୍କ ସହ ମତାନ୍ତର ଯୋଗୁ ଗ୍ରାମ୍ୟ କମିଟି ବିଚାର କରି ମମତାଙ୍କୁ ଚାକିରି ଛାଡିବାକୁ ନିର୍ଦ୍ଦେଶ ଦେଇଥିଲା। ଏଥିରେ ଅରାଜି ହେବାରୁ ତାଙ୍କ ପରିବାରକୁ ବାସନ୍ଦ କରାଯାଇଥିଲା।
କମିଟି ପକ୍ଷରୁ ନାଡ଼ି ଭଗବାନଙ୍କ ପରିବାରକୁ କୌଣସି ବାସନ୍ଦ କରାଯିବ ନାହିଁ ବୋଲି ଗ୍ରାମବାସୀ ପ୍ରତିଶ୍ରୁତି ଦେଇଥିବା ହିଞ୍ଜିଳି ଥାନା ଆଇଆଇସି ଅଭିମନ୍ୟୁ ଦାଶ କହିଛନ୍ତି।