ନୂଆଗାଁ, ୬।୧୧(ଡି.ଏନ.ଏ): ନୟାଗଡ ଜିଲା ନୂଆଗାଁ ଥାନା ମହିତମା ନିକଟରେ ବାଇକ ଦୁର୍ଘଟଣାରେ ବୁଧବାର ଜଣେ ଯୁବକଙ୍କ ମୃତ୍ୟୁ ଘଟିଛି। ହେଲେ ତାଙ୍କ ପରିଚୟ ମିଳିପାରି ନାହଁି । ମିଳିଥିବା ସୂଚନା ଅନୁଯାୟୀ, ମହିତମା ଛକ ଠାରୁ ଅଳ୍ପ କିଛି ଦୂରରେ ଜାତୀୟ ରାଜପଥ କଡରେ ଥିବା ଗଛରେ ଦୁର୍ଘଟଣା ପରେ ଗୋଟିଏ ପଲସର ବାଇକ (ଓଡି୦୨ ଏଇ ୧୮୬୩) ଓ ଜଣେ ଯୁବକ ଗଛଠାରୁ କିଛି ଦୂରରେ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏ ବିଷୟରେ ନୁଆଗାଁ ଥାନା ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚିବା ବେଳକୁ ଯୁବକଙ୍କ ମୃତ୍ୟୁ ହୋଇସାରିଥିଲା। ନୂଆଗାଁ ଥାନା ପୋଲିସ ମୃତଦେହ ବ୍ୟବଚ୍ଛେଦ ଲାଗି ଦଶପଲା ଡାକ୍ତରଖାନା ପଠାଇ ଦେବା ସହ ବାଇକକୁ ଜବତ କରିଛି । ଖବର ଲେଖା ହେବା ସୁଦ୍ଧା ଯୁବକଙ୍କ ପରିଚୟ ମିଳିପାରି ନାହିଁ । ବାଇକ ନମ୍ବର ଯାଞ୍ଚ କରିବାରେ ଏହା ଏଚ୍ଡିଏଫ୍ସିଆଇ ବ୍ୟାଙ୍କରୁ ଲୋନ ହୋଇଥିବା ଜଣାପଡିଛି ।