ଛତ୍ରପୁର,୨ା୪(ଡି.ଏନ୍.ଏ.)- କରୋନା ଭୂତାଣୁ ସଂକ୍ରମଣରୁ ରକ୍ଷା ପାଇବା ପାଇଁ ସମସ୍ତେ ଘରେ ଅଛନ୍ତି। ତେବେ ଅନେକ ଘରେ ବସି ବୋର୍ ହେଉଛନ୍ତି। ଏଥିରୁ ମୁକ୍ତି ପାଇଁ ଗଞ୍ଜାମ ଜିଲାପ୍ରଶାସନ ଅଭିନବ ପଦକ୍ଷେପ ନେଇଛି। ଜିଲାପାଳ ବିଜୟ ଅମୃତା କୁଲାଙ୍ଗେଙ୍କ ଉଦ୍ୟମକ୍ରମେ ଏଣିକି କ୍ୟାରିୟର ସମ୍ପର୍କରେ ଗଞ୍ଜାମ ଜିଲାର ୧୧ ଜଣ ଏକ୍ସପର୍ଟ ସୂଚନା ଦେବେ। ଏମାନଙ୍କୁ ସନ୍ଧ୍ୟା ୫ ଟାରୁ ରାତି ୮ଟା ପର୍ଯ୍ୟନ୍ତ ଉଭୟ ଭିଡିଓ ଓ ଭଏସ୍ କଲ କରି ୟୁପିଏସ୍ସି, ଓପିଏସ୍ସି, ଆର୍ମି, ମ୍ୟାନେଜମେଣ୍ଟ, କମ୍ପ୍ୟୁଟର, ଇଞ୍ଜିନିୟରିଂ, ମେଡ଼ିସିନ, ଆର୍କିଟେକ୍ଚର ଆଦିରେ କ୍ୟାରିୟର ସମ୍ଭନ୍ଧୀୟ ପ୍ରଶ୍ନ ଗଞ୍ଜାମ ଜିଲାର ଜନସାଧାରଣ ପଚାରିପାରିବେ। ଉକ୍ତ ଏକ୍ସପର୍ଟଙ୍କ ମଧ୍ୟରେ ପ୍ରୋବେଶନ ଆଇଏଏସ୍ ଅଫିସର ଭି. କିର୍ଥତ୍ ଭାଶନ, ଓଏଏସ୍ ଅଫିସର ତଥା କୁକୁଡାଖଣ୍ଡି ତହସିଲଦାର ଡକ୍ଟର ଇପ୍ସିତା ପ୍ରିୟଦର୍ଶନୀ ମିଶ୍ର, ଡାକ୍ତର ସୁନୀଲ କୋଟା ପ୍ରମୁଖ ରହିଛନ୍ତି।