ଛତ୍ରପୁର, ୧୩।୬(ଡି.ଏନ୍.ଏ.)- ଗଞ୍ଜାମ ଜିଲାରେ ଗତ ୨୪ ଘଣ୍ଟା ମଧ୍ୟରେ ୨୨ ଜଣ କରୋନା ପଜିଟିଭ୍ ଚି଼ହ୍ନଟ ହୋଇଛନ୍ତି। ସେଥିରେ ୧୧ ଜଣ କରୋନା ଯୋଦ୍ଧା ମଧ୍ୟ ଅଛନ୍ତି। ସେମାନେ କରୋନା ପଜିଟିଭ୍ମାନଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଛନ୍ତି। ଶନିବାର ଅପରାହ୍ନ ରେ ଗଞ୍ଜାମ ଜ଼ିଲାପାଳ ବିଜୟ ଅମୃତା କୁଲାଙ୍ଗେ ଟୁଇଟ୍ କରି ସୂଚନା ଦେଇଛନ୍ତି। ଅନ୍ୟମାନଙ୍କ ମଧ୍ୟରେ କ୍ୱାରାଣ୍ଟାଇନରେ ଥିବା ବୁଗୁଡ଼ା ବ୍ଲକର ଜଣେ ସୁରଟ ଫେରନ୍ତା, ହୋମ କ୍ୱାରେଣ୍ଟାଇନରେ ଥିବା ପାତ୍ରପୁର ବ୍ଲକର ଜଣେ ରହିଛନ୍ତି। ଏଥିସହ କରୋନା ପଜିଟିଭ ବ୍ୟକ୍ତିଙ୍କ ସଂସ୍ପର୍ଶରେ ଆସିଥିବା ଛତ୍ରପୁର ବ୍ଲକର ୪ ଜଣ, ପାତ୍ରପୁର ବ୍ଲକର ୨ ଜଣ, ଚିକିଟି, ଭଞ୍ଜନଗର ଓ ଆସିକା ବ୍ଲକର ଜଣେ ଲେଖାଏ ଥିବା ଜିଲାପାଳ ସୂଚନା ଦେଇଛନ୍ତି।