ହିଞ୍ଜିିଳିକାଟୁ, ୧୫ା୫(ଡ଼ି.ଏନ୍.ଏ) : ରାଜ୍ୟ ୫-ଟି ସଚିବ ତଥା ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି କାର୍ତ୍ତିକେୟନ ପାଣ୍ଡିଆନ ଶୁକ୍ରବାର ହିଞ୍ଜିିଳିକାଟୁର ୧୦୦ ଶଯ୍ୟା ବିଶିଷ୍ଟ କୋଭିଡ୍ ହସ୍ପିଟାଲ ବୁଲି ଦେଖିଛନ୍ତି। ହସ୍ପିଟାଲ ମଧ୍ୟରେ ଡାକ୍ତର ଓ ବିଭିନ୍ନ ପଞ୍ଚାୟତର ସରପଞ୍ଚଙ୍କ ସହ ଆଲୋଚନା କରିଛନ୍ତି।
ତେବେ ହିଞ୍ଜିିଳିକାଟୁରେ ଥିବା ଆରଏମ୍ସି ପରିସରରେ ୮୦ ଶଯ୍ୟାର ଉପଖଣ୍ଡ କାଟୋଗାରୀ-୨ ଡାକ୍ତରଖାନା ନିର୍ମାଣ ଚାଲିଛି। କରୋନା ସଂକ୍ରମଣ ହେତୁ ନିର୍ମାଣାଧୀନ ଡାକ୍ତରଖାନା କୋଠାର ଉଦ୍ଘାଟନ ପୂର୍ବରୁ ଏହାର ଗୋଟିଏ କୋଠାକୁ ଯୁଦ୍ଧ କାଳୀନ ଭିତିରେ କୋଭିଡ଼ ଡ଼ାକ୍ତରଖାନା କରାଯାଇଛି। ଏଥିରେ ୧୦ ଭେଣ୍ଟିିଲେଟର ସହ ଅନ୍ୟାନ୍ୟ ସୁବିଧା କରାଯାଇଛି। ଖୁବ୍ଶୀଘ୍ର ହିଞ୍ଜିିଳିକାଟୁର ଏହି କୋଭିଡ୍ ଡାକ୍ତରଖାନା କାର୍ଯ୍ୟକ୍ଷମ ହେବ।
ଏହି ଗସ୍ତ ସମୟରେ ୫-ଟି ସଚିବଙ୍କ ସହ ଜିଲାପାଳ ବିଜୟ ଅମୃତା କୁଲାଙ୍ଗେ, ଡାକ୍ତରଖାନାର ଚିକିତ୍ସାଧିକାରୀ ଡା. ଦୁର୍ଗା ପ୍ରସାଦ ପଣ୍ଡା, ଡାକ୍ତରଖାନାର ପ୍ରଶାସନିକ ଅଧିକାରୀ ତଥା ମ୍ୟୁନିସପାଲଟି କାର୍ଯ୍ୟ ନିର୍ବାହୀ ଅଧିକାରୀ ଡ଼. ମନୋରଂଜନ ସାହୁ, ତହସିଲଦାର ଗୋପୀନାଥ କୁଅଁର, ବିଡ଼ିଓ ପ୍ରସନ୍ନ କୁମାର ପାତ୍ରଙ୍କ ସହ ଅନ୍ୟାନ୍ୟ ଅଧିକାରୀ ଉପସ୍ଥିତ ଥିଲେ।