ଗଞ୍ଜାମ,୮।୪(ଡି.ଏନ୍.ଏ.): କରୋନା(କୋଭିଡ-୧୯) ଭୂତାଣୁ ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି l ଏଥିପାଇଁ ସରକାର ଓ ଜିଲା ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଉଛି। ପ୍ରଥମେ ଲକ୍ଡାଉନ ତା’ ପରେ ଗଞ୍ଜାମ ଜିଲାପାଳ ୧୯ ଘଣ୍ଟିଆ ସଟ୍ଡାଉନ ମଧ୍ୟ ଘୋଷଣା କରିସାରିଛନ୍ତି। ଗୋଷ୍ଠୀ ହୋଇ ନ ରହିବା ପାଇଁ ପ୍ରଶାସନ ପକ୍ଷରୁ ତାଗିଦ୍ କରାଯାଉଛି। ସାମାଜିକ ଦୂରତ୍ୱ ଅବଲମ୍ବନ କରିବାକୁ ଆହ୍ବାନ ଦେଉଛନ୍ତି ଜିଲାପାଳ l ଏହା ସତ୍ତ୍ୱେ ବୁଧବାର ସକାଳୁ ଗଞ୍ଜାମ ମାଛ ମାର୍କେଟରେ ଲୋକଙ୍କ ଭିଡ଼ ଜମିଥିବା ଦେଖିବାକୁ ମିଳିଛି l ଏନ୍ଏସି ପ୍ରଶାସନ ପ୍ରତିଦିନ ସହର ମଧ୍ୟରେ ପଇଁତରା ମାରୁଥିଲେ ମଧ୍ୟ ଏଥିପ୍ରତି ଲୋକଙ୍କ ଖାତିର୍ ନାହିଁ। ଏହା ପରେ ମଧ୍ୟ ବଜାରରେ ଲୋକଙ୍କ ଭିଡ଼ କମୁନାହିଁ। ଏ ନେଇ ବିଡିଓ ଜ୍ୟୋତି ଶଙ୍କର ରାୟ କୁହନ୍ତି, ଖୁବ୍ଶୀଘ୍ର ଚଢ଼ାଉ କରାଯାଇ କାର୍ଯ୍ୟନୁଷ୍ଠାନ ଗ୍ରହଣ କରାଯିବ।