ଚନ୍ଦାହାଣ୍ଡି, ୨୪।୯(ଡି.ଏନ୍.ଏ.): ନବରଙ୍ଗପୁର ଜିଲା ଚନ୍ଦାହାଣ୍ଡି ଥାନା ଅଧୀନ ପୂଜାରୀଗୁଡା ଗ୍ରାମର ୨ ଯୁବକ ଗଞ୍ଜେଇ ଚୋରା ଚାଲାଣ କରୁଥିବା ବେଳେ ଛତିଶଗଡ଼ ପୋଲିସ ଦ୍ୱାରା ଗିରଫ ହୋଇଛନ୍ତି। ସେ ହେଲେ ଅଭିମନ୍ୟୁ ମାଝି (୨୬) ଏବଂ ଚୈତନ(୨୪)।
ସୂଚନାଯୋଗ୍ୟ, ସୋମବାର ଅଭିମନ୍ୟୁ ଓ ଚୈତନ ୨ଟି ବାଇକ୍ରେ ୧୬ କେଜି ୧୦୦ ଗ୍ରାମ ଗଞ୍ଜେଇ ନେଇ ଛତିଶଗଡ଼ ରାଇପୁରକୁ ଯାଉଥିବା କୌଣସି ସୂତ୍ରରୁ ଖବରପାଇ ଦେଓଭୋଗ ପୋଲିସ ଏକ ଟିମ୍ ଧୁରୁଆପଡାଠାରେ ଉଭୟଙ୍କୁ ଅଟକ ରଖି ଯାଞ୍ଚ କରିଥିଲେ। ଯାଞ୍ଚ ସମୟରେ ଉଭୟଙ୍କ ପାଖରୁ ଗଞ୍ଜେଇ ଜବତ ହୋଇଥିଲା। ତେବେ ମଙ୍ଗଳବାର ଉଭୟଙ୍କୁ ଗରିଆବନ୍ଧ ଜେଲକୁ ପଠାଇ ଦିଆଯାଇଛି।