ଫିରିଙ୍ଗିଆ, ୩୦ା୯-ଗୋଚ୍ଛାପଡା ଥାନା ପୋଲିସ କ୍ରାଣ୍ଡିବାଲି ଛକରେ ଚଢ଼ାଉ କରି ଜଣେ ବାଇକ୍ ଚାଳକଙ୍କ ପାଖରୁ ୪୦ କେଜି ଗଞ୍ଜେଇ ଜବତ କରିଛି । ଏହି ଘଟଣାରେ ବାଇକ ଚାଳକ ବାଲନ୍ଦାପଡା ପଞ୍ଚାୟତ ବଟବାହାଲି ଗ୍ରାମର ସଦା ନାୟକଙ୍କୁ ଗିରଫ କରାଯାଇଛି। ଏ ନେଇ ଥାନାରେ ନଂ. ୬୨/୧୯ରେ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି। ଏକ ନମ୍ବରବିହୀନ ବାଇକରେ ବସ୍ତା ବାନ୍ଧି ସଦା ଯାଉଥିବା ବେଳେ ପୋଲିସର ସନ୍ଦେହ ହୋଇଥିଲା । କ୍ରାଣ୍ଡିବାଲି ଛକରେ ଉକ୍ତ ବାଇକ୍ ଅଟକାଇ ବସ୍ତା ଯାଞ୍ଚ କରାଯିବାରୁ ସେଥିରେ ଗଞ୍ଜେଇ ଥିବା ଜଣା ପଡିଥିଲା ।