ବାଲିଗୁଡା,୯ା୬(ଡି.ଏନ୍.ଏ.) -ବାଲିଗୁଡା ସ୍ଥିତ ଖଜୁରୀନାଳଠାରେ ଶୁକ୍ରବାର ରାତିରେ ପୋଲିସ ପାଟ୍ରୋଲିଂ କରୁଥିବାବେଳେ ଏକ କାରରୁ ଗଞ୍ଜେଇ ଜବତ କରିବା ସହ ଗାଡି ଚଲାଉଥିବା ମାଲିକଙ୍କୁ ଗିରଫ କରିଛି। ଗିରଫ ଯୁବକ ହେଲେ ସିନ୍ଦ୍ରିଗଁାର ରବୀନ୍ଦ୍ର ଦିଗାଳ।
ଯେ, ଶୁକ୍ରବାର ବାଲିଗୁଡା ପୋଲିସ ରାତି ପାଟ୍ରୋଲିଂ କରୁଥିବାବେଳେ ଖଜୁରିନାଳଠାରେ ଏକ କାର (ନଂ.ଓଆର୦୫ଏଇ-୩୮୦୦)କୁ ଅଟକାଇଥିଲା। ଯାଞ୍ଚବେଳେ କାର ଡିକିରେ ଗଞ୍ଜେଇ ଥିବା ଜଣାପଡିଥିଲା। କାର ସହ ରବୀନ୍ଦ୍ରଙ୍କୁ ଥାନାକୁ ଆଣି ପଚରାଉଚରା କରାଯାଇଥିଲା। ଏହି ଗଞ୍ଜେଇ ନୟାଗଡକୁ ଚାଲାଣ ହେଉଥିବା ସେ କହିଥିଲେ। କାରରୁ ୩୨କେଜି ୪୦୦ଗ୍ରାମ ଗଞ୍ଜେଇ ଜବତ କରାଯାଇଛି। ଏକ ଖବରଦାତା ସମ୍ମିଳନୀରେ ବାଲିଗୁଡା ଥାନା ଅଧିକାରି ପ୍ରଶାନ୍ତ କୁମାର ବେହେରା ଏହି ସୂଚନା ଦେଇଛଡ଼୍ତି। ଏନେଇ ନଂ.୮୦/୧୯ରେ ମାମଲା ରୁଜୁକରି ତଦନ୍ତ ଚାଲିଥିବାବେଳେ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ତଦନ୍ତକାରୀ ଅଧିକାରୀ ଏସଆଇ ଏ. ଖାଲକୋ ସୂଚନା ଦେଇଛନ୍ତି।