ବାଲିଆପାଳ,୩ା୧(ଡି.ଏନ.ଏ.)-ଗଣତାନ୍ତ୍ରିକ ପ୍ରକ୍ରିୟାରେ ବୁଦ୍ଧିଜିବୀଙ୍କ ନୀରବତା ବିଡମ୍ବନା। ଏବେ କେନ୍ଦ୍ର ସରକାରଙ୍କ ଦେଶରେ ସଂଶୋଧିତ ନାଗରିକ ଆଇନ (ସିଏଏ)ଓ ଜାତୀୟ ନାଗରିକ ପଞ୍ଜିକା(ଏନଆରସି)କୁ ନେଇ ଆନ୍ଦୋଳନ, ଜଳାପୋଡା, ରାଲି, ଧାରଣା ଚାଲିଥିବା ବେଳେ ବୁଦ୍ଧିଜୀବୀମାନେ ନୀରବ ରହିବା ପରିତାପର ବିଷୟ। ସେମାନେ ଦେଶର ବୃହତର ସ୍ବାର୍ଥଦୃଷ୍ଟିରୁ ସ୍ପଷ୍ଟ ମତସାବ୍ୟସ୍ତ କରିବା ଅତି ଜରୁରୀ ବୋଲି ବୁଧବାର ବାଲିଆପାଳର ପୁରାତନ ସାରସ୍ବତ ଅନୁଷ୍ଠାନ ସୃଜନିକାର ନବବର୍ଷ ରାଜ୍ୟସ୍ତରୀୟ ସାରସ୍ବତ ସମାରୋହ ଓ ପ୍ରତିଭା ସମ୍ବର୍ଦ୍ଧନା ଉତ୍ସବରେ ଅତିଥିମାନେ ଯୋଗଦେଇ ମତବ୍ୟକ୍ତ କରିଛନ୍ତି। ସୃଜନିକା ସଭାପତି ସୁଧାଂଶୁ ଶେଖର ଜେନାଙ୍କ ପୌରୋହିତ୍ୟରେ ଅନୁଷ୍ଠିତ ଉତ୍ସବରେ ରେବତୀର ସମ୍ପାଦିକା ସୁବାସିନୀ ଜେନା ମୁଖ୍ୟଅତିଥି, ଉକତ୍ଳ ସମ୍ମିଳନୀ ରାଜ୍ୟ ସଭାପତି ଡ.ଅଦ୍ୱୈତ କୁମାର ପାତ୍ର ମୁଖ୍ୟବକ୍ତା, ଜଳେଶ୍ୱର ଦୀନକୃଷ୍ଣ ସ୍ମୃତିପରିଷଦର ସମ୍ପାଦକ ବିପିନ ବିହାରୀ ବିଶ୍ୱାଳ, ଶିକ୍ଷକ ନେତା ନାରାୟଣ ପ୍ରସାଦ ସାହୁ, ଡା.ପ୍ରଦୀପ କୁମାର ମିଶ୍ର, କବି ଭରତ ଚନ୍ଦ୍ର ଦାସ, ଶାନ୍ତନୁ ପଟ୍ଟନାୟକ, ଗାୟକ ଜୟନ୍ତ ପାଣିଗ୍ରାହୀ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ ା ସୃଜନିକା ଆବାହକ ଅଧ୍ୟାପକ ସୁକାନ୍ତ ଗିରି ଅତିଥି ପରିଚୟ ସ୍ବାଗତ ଭାଷଣ ପ୍ରଦାନ କରିଥିବା ବେଳେ ଅଦ୍ଧେନ୍ଦୁ ପାଣିଗ୍ରାହୀ, ସନ୍ନ୍ୟାସୀ ବେହେରା, ନଳିନୀକାନ୍ତ ପାଢୀ, ଅମରେନ୍ଦ୍ର ଦାସ, କବି ଭାରତୀ ସରିତା ମହାନ୍ତି, ଡ.ରଶ୍ମିତା ପାଣିଗ୍ରାହୀ ପ୍ରମୁଖ ସାରସ୍ବତ ବନ୍ଧୁମିଳନ ଓ ପ୍ରତିଭା ସମ୍ବର୍ଦ୍ଧନା ଉତ୍ସବକୁ ପରିଚାଳନା କରିଥିଲେ ା ଅତିଥିମାନେ ଅନୁଷ୍ଠାନର ମୁଖପତ୍ର ସୃଜନିକା, କବୟିତ୍ରୀ ଶାନ୍ତିଲତା ପଣ୍ଡାଙ୍କ ଆମ୍ରପଲ୍ଲୀ, ସରିତା ମହାନ୍ତିଙ୍କ ମଧୁମକ୍ଷିକା, ବିଜୟ ପାତ୍ରଙ୍କ ଅୟସୀକାନ୍ତା ଆଦି ପୁସ୍ତକଗୁଡିକୁ ଅତିଥିମାନେ ଉନ୍ମୋଚନ କରିଥିଲେ ା ଉତ୍ସବରେ ରାଜ୍ୟର ୪୧ ଜଣ ଅବହେଳିତ ପ୍ରତିଭାଧାରୀଙ୍କୁ ସମ୍ବର୍ଦ୍ଧିତ କରାଯାଇଥିଲା ା ଅସିତ ପଣ୍ଡା, ଡ.କୃଷ୍ଣାକୁମାରୀ ନାୟକ, ସେହ୍ନଲତା ନାୟକ, ସୁଷମାରାଣୀ ମହାନ୍ତି, ଗୋପନାରାୟଣ ଜେନା ପ୍ରମୁଖ ଏହାକୁ ପରିଚାଳନା କରିଥିଲେ ା ଅନ୍ୟମାନଙ୍କ ମଧ୍ୟରେ ସମାଜସେବୀ ବଳରାମ ସାହୁ, ଅରୁଣ ଜେନା, ଅରବିନ୍ଦ ବେହେରା, ବ୍ୟୋମକେଶ ସାହୁ, ରବିରଞ୍ଜନ ତ୍ରିପାଠୀ, ରାମରଞ୍ଜନ ରାଉତ, ଅଧ୍ୟାପକ ନିରଞ୍ଜନ ବେହେରା, ବିଜୟ ପରିଡା ପ୍ରମୁଖ ବିଶିଷ୍ଟ ବ୍ୟକ୍ତିମାନେ ଯୋଗ ଦେଇଥିଲେ ା
