ଭବାନୀପାଟଣା,୨୫।୯(ଡି.ଏନ.ଏ.)-ଜଣେ ଛାତ୍ରୀ ପ୍ରତି ହୋଇଥିବା ଗଣବଳାତ୍କାର ଘଟଣାର ଅଭିଯୁକ୍ତମାନଙ୍କୁ ଗିରଫ କରିବା ସହ କଠୋର ଦଣ୍ଡ ଦାବି କରି ବିଜୁ ଛାତ୍ର ଜନତା ଦଳ କାର୍ଯ୍ୟକର୍ତ୍ତା କଳାହାଣ୍ଡି ଏସ୍ପି ଓ ଏଡିଏମ୍କୁ ଭେଟି ଦାବିପତ୍ର ଦେଇଛନ୍ତି । ବିଜୁ ଛାତ୍ର ଜନତା ଦଳ କଳାହାଣ୍ଡି ସଭାପତି ଅବିନାଶ ଠାକୁରଙ୍କ ନେତୃତ୍ୱରେ ଏକ ଦଳ ଏସପି ଓ ଏଡିଏମ୍କୁ ଉକ୍ତ ଦାବିପତ୍ର ପ୍ରଦାନ କରିଛନ୍ତି। ଏଥି ସହ ପୀଡିତାଙ୍କ ପରରିବାରଙ୍କୁ ସୁରକ୍ଷା ଯୋଗାଇ ଦେବା ସହ ଆର୍ଥତ୍କ ସହାୟତା ଯୋଗାଇ ଦେବାକୁ ଅନୁରୋଧ କରିଛନ୍ତି। ଉକ୍ତ ପ୍ରତିନିଧି ଦଳରେ ବିଜୁ ଛାତ୍ର ଜନତାଦଳ ସଭାପତି ଠାକୁରଙ୍କ ସମେତ ମଣ୍ଟୁ ନାଏକ, ଅମରଦୀପ ସିଂହ, ଅବିଶେକ ମହାପାତ୍ର, ହରିସ ଅହିର, ସୁଭ୍ରାଂଶୁ ଦାସ, ସୁନୀଲ ବେହେରା, ଜିତେନ୍ଦ୍ର ବେହେରା ଓ ଭେଙ୍କେଟେସ ପ୍ରସାଦ ମାଝି ପ୍ରମୁଖ ଥିଲେ।