ବଲାଙ୍ଗୀର ଅଫିସ, ୨୮ା୭ – ବଲାଙ୍ଗୀର ସିଏନ୍ସି କଲେଜ ପରିସରରେ ଗ୍ରାଜୁଏସନ୍ ଉତ୍ସବ ଅନୁଷ୍ଠିତ ହୋଇଯାଇଛି। ସିଏନ୍ସି କଲେଜ ନିର୍ଦ୍ଦେଶକ ଆଶୁତୋଷ ପୁରୋହିତ ଏବଂ ପ୍ରଦୀପ ସାହୁଙ୍କ ଯୁଗ୍ମ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ ଅତିଥିଭାବେ ଦୋହାସ୍ଥିତ ଅଲ୍ଜଜିରା ମିଡିଆ ନେଟୱର୍କ ଅନୁଷ୍ଠାନ ଉନ୍ନୟନ ମୁଖ୍ୟ ବଳଭଦ୍ର ପଟ୍ଟନାୟକ ଓ ଓଭୋ ଫାର୍ମର ନିର୍ଦ୍ଦେଶକ ସମରେନ୍ଦ୍ର ମିଶ୍ର ଯୋଗଦାନ କରିଥିଲୋ ଗଭୀର ନିଷ୍ଠା ଓ ଆତ୍ମପ୍ରତ୍ୟୟ ହିଁ ମଣିଷକୁ ସଫଳତାର ବାଟ ଦେଖାଇଥାଏ ବୋଲି ଅତିଥିମାନେ କହିଥିଲେ। ଅତିଥି ପଟ୍ଟନାୟକ ତାଙ୍କ ବକ୍ତବ୍ୟରେ ଆତ୍ମବିଶ୍ୱାସ ହିଁ ଛାତ୍ରୀଛାତ୍ରଙ୍କୁ ନୂଆ କିଛି କରିବା ପାଇଁ ପ୍ରେରଣା ଯୋଗାଏ ବୋଲି କହିଥିଲେ ା ଛାତ୍ରୀଛାତ୍ରମାନେ ଯେତେ ଭଲ ପାଠ ପଢ଼ିଲେ ମଧ୍ୟ ଯଦି ସେମାନଙ୍କ ଭିତରେ ଆତ୍ମବିଶ୍ୱାସ କମିଯିବ ସେମାନେ ନିଜର ଅର୍ଜିତ ଜ୍ଞାନକୁ ଠିକ୍ ଭାବେ ଉପଯୋଗ କରିପାରିବେ ନାହିଁ ବୋଲି କହିଥିଲେ ା ଏଣୁ ପାଠ ପଢ଼ିବା ହେଉ କି ଅନ୍ୟ ଯେକୌଣସି କାର୍ଯ୍ୟରେ ଆତ୍ମବିଶ୍ୱାସୀ ହେବାକୁ ଚେଷ୍ଟା କରନ୍ତୁ ବୋଲି ସେ ପରାମର୍ଶ ଦେଇଥିଲେ ା ଅନ୍ୟତମ ଅତିଥି ମିଶ୍ର ତାଙ୍କ ବକ୍ତବ୍ୟରେ ଭିଜନ୍ ଓ ମିଶନ୍ ନିର୍ଦ୍ଧାରିତ ଓ ସ୍ପଷ୍ଟ ନହେଲେ ସଫଳତା ମିଳିବ ନାହିଁ ବୋଲି କହିଥିଲେ ା ଏଣୁ କ୍ୟାରିଅର ଚୟନ କରିବା ପୂର୍ବରୁ ପାଠ ପଢ଼ିଲା ବେଳେ ହିଁ ନିଜର ଭିଜନ୍ ଓ ମିଶନ୍ ସ୍ପଷ୍ଟ କରିବାକୁ ଚେଷ୍ଟା କରନ୍ତୁ ବୋଲି ସେ କହିଥିଲେ ା ଆଜିର ପ୍ରତିଯୋଗିତାମୂଳକ ସମାଜରେ ସଫଳ ହେବାକୁ ହେଲେ ବିଭିନ୍ନ ବିଷୟରେ ନିଜକୁ ପ୍ରତିପାଦିତ କରିବାକୁ ହେବ ବୋଲି ସେ କହିଥିଲେ ା ଏହି ଉତ୍ସବରେ ବିକମ୍ ଗ୍ରାଜୁଏଟ୍ ହୋଇଥିତ୍ବା ଛାତ୍ରୀଛାତ୍ରଙ୍କୁ ଡିଗ୍ରୀ ପ୍ରମାଣ ପତ୍ର ପ୍ରଦାନ କରାଯାଇଥିଲା ା ଏହା ସହିତ ଯୁକ୍ତଦୁଇ କୃତି ଛାତ୍ରୀଛାତ୍ରଙ୍କୁ ପୁରସ୍କୃତ କରାଯାଇଥିଲା। ବିଶ୍ୱବିଦ୍ୟାଳୟସ୍ତରରେ ଟପ୍ପର ହୋଇଥିତ୍ବା ଏହି କଲେଜର ଛାତ୍ରୀଛାତ୍ରଙ୍କୁ ସମ୍ମାନିତ କରାଯାଇଥିଲା। ଏହି ଅବସରରେ ବି କମ୍ ଟପ୍ପର ନ୍ୟାନସି ପୁରୋହିତ ଓ ଯୁକ୍ତଦୁଇ କୃତୀ ଛାତ୍ରୀ ଶ୍ରଦ୍ଧା ଜୈନଙ୍କୁ ହେମଲତା ପଟ୍ଟନାୟକ ସ୍ମୃତି ବୃତ୍ତି ଓ ଡାଇରେକଟର୍ସ ବୃତ୍ତି ପ୍ରଦାନ କରାଯାଇଥିଲା।