କୋଣାର୍କ,୪।୫(ଡି.ଏନ.ଏ.): କୋଣାର୍କ ଏନଏଏସି ଅଧିନସ୍ଥ ୧୧ନଂ ୱାର୍ଡ ନଳକଣ କେଳା ସାହିଠାରେ କୋଣାର୍କ ସାମ୍ବାଦିକ ସଂଘ ଓ ଗୋପ ମହିଳା ମହାସଂଘ ମିଳିତ ଆନୁକୂଲ୍ୟରେ ଗରିବଙ୍କୁ ମାସ୍କ ସହ ଶୁଖିଲା ଖାଦ୍ୟ ବଣ୍ଟନ କରାଯାଇଛି। ଲକଡାଉନ ଯୋଗୁ ଖାଦ୍ୟ ପାଉ ନ ଥିବା ଗରିବଙ୍କୁ କୋଣାର୍କ ସାମ୍ବାଦିକ ମହାସଂଘର ସଭାପତି ଜ୍ୟୋତିରାଜ ମହାନ୍ତି ଓ ମହିଳା ମହାସଂଘ ସଭାନେତ୍ରୀ ମୀନାକ୍ଷି ପୃଷ୍ଟିଙ୍କ ନେତୃତ୍ୱରେ ଏହି ସାହିର ୬୦ ପରିବାରଙ୍କୁ ୨୦୦ଟି ମାକ୍ସ, ୨୦୦ଟି ସାବୁନ, ସାନିଟାଇଜର ସହ ଚୁଡା, ଗୁଡ, ବିସ୍କୁଟ ଓ ଡାଲି ଆଦି ଶୁଖିଲା ଖାଦ୍ୟ ବଣ୍ଟନ କରାଯାଇଛି। ଏହାସହ ଘର ଘର ବୁଲି ଲୋକଙ୍କୁ କରୋନା ସଚେତନତା କରାଯାଇଛି। ଏଥିରେ ସାମାଜିକ କର୍ମୀ ରାଜେଶ ମହାନ୍ତି, ସମ୍ପାଦକ ମନୋରଞ୍ଜନ ପଣ୍ଡା, ଉପସଭାପତି ଭାଗୀରଥି ସ୍ବାଇଁ, ସୁକାନ୍ତ ବିଶ୍ୱାଳ, ଗଣେଶ ବେହେରା ପ୍ରମୁଖ ସହଯୋଗ କରିଥିଲେ।