କୋଣାର୍କ,୨୪ା୪(ଡି.ଏନ.ଏ): କୋଣାର୍କ ଥାନା ଅଧୀନ ଜୁଣେଇଁ, ଗାଗପୁର, ମାଟିଆପଡ଼ା ଗ୍ରାମରେ ଶୁକ୍ରବାର କୋଣାର୍କ ଉଚ୍ଚ ବିଦ୍ୟାଳୟର ପୁରାତନ ଛାତ୍ର ସଙ୍ଗଠନ ଏବଂ ଶିକ୍ଷକମାନଙ୍କ ପକ୍ଷରୁ ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ କରାଯାଇଛି। ସମ୍ପ୍ରତି କରୋନା ମହାମାରୀ ଯୋଗୁ ଲକ୍ଡାଉନ ପରିସ୍ଥିତିରେ ଘରେ ରହିଥିବା ଶ୍ରମିକ, ଦିନମଜୁରିଆ ଓ ଗରିବ ଶ୍ରେଣୀର ଲୋକଙ୍କୁ ପୁରାତନ ଛାତ୍ର ଅଜୟ କୁମାର ପଟ୍ଟନାୟକ ଏବଂ ଶିକ୍ଷକ ଦିଲ୍ଲୀପ କୁମାର ଦାସଙ୍କ ନେତୃତ୍ୱରେ ଚୁଡ଼ା, ଗୁଡ଼, ଚାଉଳ, ଡାଲି, ମହମବତି ଓ ଦିଆସିଲି ଆଦି ବଣ୍ଟାଯାଇଛି। ଏହି କାର୍ଯ୍ୟକ୍ରମରେ କୁନାଲ ପାତ୍ର, ମଙ୍ଗରାଜ ମୁଦୁଲି ଓ ପ୍ରିୟରଞ୍ଜନ ରଥ ପ୍ରମୁଖ ସହଯୋଗ କରିଥିଲେ।
