ଖଣ୍ଡପଡ଼ା,୨୨ା୮(ସ୍ବ.ପ୍ର.): ଖଣ୍ଡପଡ଼ା ବ୍ଲକ ଅନ୍ତର୍ଗତ କଣ୍ଟିଲୋ ପଞ୍ଚାୟତ ଅଞ୍ଚଳସ୍ଥିତ ବିଭିନ୍ନ ଶିକ୍ଷାନୁଷ୍ଠାନର ଗରିବ, ମେଧାବୀ ଛାତ୍ରୀଛାତ୍ରଙ୍କୁ ନୀଳମାଧବ ଘରୋଇ ମୋଟର କର୍ମଚାରୀ ସଂଘ ପକ୍ଷରୁ ମଙ୍ଗଳବାର ସ୍କୁଲ କିଟ୍ ପ୍ରଦାନ କରାଯାଇଛି । ପ୍ରକାଶ ଯେ, ଦୀର୍ଘ ୧୫ ବର୍ଷ ହେଲା ସ୍ବାଧୀନତା ଦିବସରେ ଅନୁଷ୍ଠିତ ପରେଡ୍ବେଳେ ସଂଘ ପକ୍ଷରୁ ସ୍କୁଲ୍ କିଟ୍ ଏବଂ ଆନୁଷଙ୍ଗିକ ଜିନିଷ ପ୍ରଦାନ କରାଯାଇଥାଏ। ଚଳିତ ବର୍ଷ ପଲ୍ଟନ ପଡିଆ ବନ୍ୟାଜଳରେ ବୁଡ଼ି ରହିଥିବା ଯୋଗୁ ପରେଡ଼ ବନ୍ଦ ହୋଇଥିଲା । ତେଣୁ କଣ୍ଟିିଲୋ ଅଞ୍ଚଳସ୍ଥିତ ନୀଳମାଧବ ଭଗବାନ ନୋଡ଼ାଲ ହାଇସ୍କୁଲ, କୁଞ୍ଜବିହାରୀ ବାଳିକା ଉଚ୍ଚ ବିଦ୍ୟାଳୟ, ପାଣୁ ସାହୁ ପାଟଣା ମଧ୍ୟ ଇଂରାଜୀ ଓ ପ୍ରାଥମିକ ବିଦ୍ୟାଳୟ, କଣ୍ଟିଲୋ ବାଳିକା ଉଚ୍ଚ ବିଦ୍ୟାଳୟ ଓ ସରସ୍ବତୀ ଶିଶୁବିଦ୍ୟା ମନ୍ଦିରରେ ଅଧ୍ୟୟନ କରୁଥିବା ଛାତ୍ରୀଛାତ୍ରଙ୍କ ମଧ୍ୟରୁ ଶୁଭ ସୌରଭ ସାହୁ, ସୁବ୍ରତ ନାୟକ, ଜ୍ୟୋତି ରଞ୍ଜନ ସାହୁ, କିରଣ କୁମାର ସାହୁ, ପ୍ରିୟଙ୍କା ସାହୁ, ସସ୍ମିତା ମହାକୁଡ଼, ସରସ୍ବତୀ ମହାରଣା ଓ ନେହାରାଣୀ ସାହୁଙ୍କୁ ଏହି କିଟ୍ ପ୍ରଦାନ କରାଯାଇଥିବା ଜଣାପଡିଛିା ମୋଟର କର୍ମଚାରୀ ସଂଘର ସଭାପତି ଶରତ ଚନ୍ଦ୍ର ମହାରଣା, ସମ୍ପାଦକ ଅଜୟ କୁମାର ସାହୁଙ୍କ ସମେତ କିଶୋର ଚନ୍ଦ୍ର ସାହୁ, ବିରଞ୍ଚତ୍ ନାରାୟଣ ସାହୁ, ଦିଲୀପ କୁମାର ମହାଳିକ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ ା